இடஒதுக்கீடு இந்திய பொருளாதாரம் இந்தியா இந்துத்துவம் கன்னய்யா குமார் சமூக நீதி சர்ச்சை பத்தி போராட்டம் மத அரசியல்

மக்கள் வரிப்பணத்தில் படித்துவிட்டு வெளிநாடுகளுக்கு சேவை செய்பவர்கள்தான் தேசபக்தர்களா?

பூ.கொ.சரவணன்

பூ.கொ.சரவணன்
பூ.கொ.சரவணன்

ஐ.ஐ.டி., ஐ.ஐ.எம். பட்டதாரிகள் மக்களின் வரிப்பணத்தில் படித்துவிட்டு, வெளிநாடுகளுக்கு ஓடுகிறார்கள் என்று இடதுசாரிகள், போராளிகள் விமர்சித்த பொழுதெல்லாம் ‘அதுல என்ன இருக்கு?’ என்கிற ரீதியில் பதில்கள் இந்தியாவைக் குறைச்சொல்லி வந்தன. இட ஒதுக்கீட்டை முக்கியமான காரணமாக வேறு கைகாட்டினார்கள். அற்புதமான கல்வி நிறுவனங்களை உருவாக்குவதில் நம்முடைய கல்விமுறை அடைந்த தோல்வியும் இப்படியொரு பதற்றத்தை உருவாக்கியிருக்கிறது என்பதையும் உணர முடிகிறது. அது இருக்கட்டும்.பல கோடி மக்களின் வரிப்பணத்தில் படித்துவிட்டு தேசபக்திக்குத் துரோகம் செய்யும்வகையில் காஷ்மீர் தீவிரவாதி ஒருவருக்கு ஆதரவாகக் களம்புகுந்து குழப்புகிற இவர்கள் எல்லாம் தேசபக்தர்களா என்று சான்றிதழ் கேட்கிறார்கள். மக்களின் வரிப்பணத்தில் வெளிநாட்டுக்குப் போய் அந்த நாட்டின் குடியுரிமையைப் பெற்ற பலரை உங்களின் அடையாளமாக, முன்மாதிரியாக நிறுத்திய பொழுதெல்லாம் இந்தத் தேசபக்தி கருமம் எங்கே போய்த் தொலைந்தது? மகத்தான சிந்தனைகொண்ட, அறிவுப்புலத்தில் சிறந்த பல்வேறு எழுத்துக்கள், ஆய்வுகள், அறிவுஜீவிகள் JNU New Delhi-ல் இருந்தே எழுந்திருக்கிறார்கள். மக்கள் நலனுக்கான வெவ்வேறு போராட்டங்களில் தொடர்ந்து பங்குகொண்ட முதுகு எலும்புள்ள பல்கலைக்கழகம் அது. அங்கே இடதுசாரிகள் உண்டு என்பது உண்மை என்றாலும், தாராளவாதிகள், திறந்த மனதோடு சிந்திக்கும் எண்ணற்ற சிந்தனையாளர்களும் மேலெழுந்து வந்திருக்கிறார்கள். வருவார்கள்.

AFSPA சட்டத்தைக் கொண்டும், துப்பாக்கிகளைக் கொண்டும் காஷ்மீரை எதிர்கொண்டிருக்கும் நாம் இப்படித்தான் இருக்க வேண்டும் என்றா இந்திய அரசமைப்புச் சட்டத்தை உருவாக்கியவர்கள் ஆசைப்பட்டிருப்பார்கள்? அப்சல் குருவை தூக்கில் இட்டது தவறு என்கிறவர்கள் தானே தேசத்துரோகிகள். அதைத்தான் ஆளும் பாஜக அரசின் கூட்டாளியான P.D.P. கட்சியும் சொல்கிறது? அவர்களுடன் கூட்டணி வைத்திருக்கும் நீங்கள் யார்? பாகிஸ்தானுக்கு ஆதரவாகக் கோஷம் எழுப்புவதை ஏற்றுக்கொள்ளவே தேவையில்லை. ஆனால், நூறு பேர் போடும் கோஷத்தில் சுக்குநூறாக உடைந்து போகிற அளவுக்கு இந்திய தேசியம் வலிமையற்றதா என்ன?

உங்களின் வரிப்பணத்தில் படித்துவிட்டு இப்படிச் செய்கிறார்களே. இதுவா தேசபக்தி எனக் கேட்கிற இதே மெட்ரோநகரவாசிகள் நாற்பது சதவிகிதம் என்கிற குறைவான அளவுக்குத் தேர்தல்களில் ஓட்டுப்போடுபவர்கள். உங்கள் வரிப்பணம் என்பது ஒன்றும் நீங்கள் யாருக்கோ போடும் பிச்சையில்லை. படிக்கிற நல்ல குடிமகன்களுக்கு மேலும் ஊக்கமளிப்பது உங்கள் வரிப்பணத்தைக் கொண்டு செய்யப்படும் ஒரு மகத்தான பணி. உங்களின் கருத்துக்களைப் பிரதிபலிக்கிற சிந்தனை அற்றவர்களைத் தான் உருவாக்க வேண்டும் என்று கவலை கொள்ளாதீர்கள். எண்ணற்ற இளைஞர்கள் அப்படித்தான் இருக்கிறார்கள். ‘ஐயோ! யாருக்குச் சமூகப்பொறுப்பு இருக்கு?’ என்று எப்பொழுதோ கதறி அரசியலை, சமூகத்தை ‘நூறு எழுச்சி மிகுந்த இளைஞர்கள’ திருத்த வேண்டும் என்று நரம்பு புடைத்தவர்கள் எங்கே?

உங்கள் வரிப்பணத்தில் தான் சாலைகள் போடப்படுகிறது. சட்ட, ஒழுங்கு காக்கப்படுகிறது. எல்லைகள் பாதுகாப்பாக இருக்கின்றன. அடிப்படை வசதிகள் ஓரளவுக்காவது கிடைப்பது உறுதி செய்யப்பட்டிருக்கிறது. JNU பல்கலைக்குத் தரப்படும் வரிப்பணம் தேசபக்திக்கு பயன்படவில்லை என்று கதறும் நீங்கள் ஒரு லட்சம் கோடிக்கு மேலே வாராக்கடன்கள் இருப்பதற்குக் காரணமானவர்களை என்ன செய்வீர்கள்? சவுகரியமாக மக்களின் வரிப்பணத்தை நீங்கள் போற்றுகிற மகத்தான தலைவர்கள் அள்ளிக்கொள்கிற பொழுது உறங்கிக்கொண்டு இருப்பீர்கள் இல்லையா? அதிகாரிகள் லஞ்சத்தின் பெயரிலும், சிவப்பு நாடாக்குற்றத்தாலும் வரிப்பணத்தில் கொழிக்கிற பொழுது சமோசா சாப்பிட்டுக் கொண்டிருந்தோம் தானே? வரிப்பணத்தில் செமையா வாழ்கிறவர்களைவிட்டுவிடலாம்.
நமக்கு ஒவ்வாத, நமக்குப் பிடித்த அரசுக்கு ஆகாத கருத்தை சொன்னால் உச்சி வெய்யிலில் ஒரு நாளில் கத்திவிட்டுப் போகக்கூடியவர்களைச் சாடலாம். காவல்துறையை விட்டு அமைதியாகப் போராடியவர்களைத் தேடிச்சிரிக்கலாம். பொருளாதாரத்தில் மேற்கைப் போல இங்கும் தாராளவாதம் வேண்டும் என்று கூவுகிறவர்கள், ஜனநாயகத்திலும் அதே தாராளவாதம் வேண்டும் என மறந்தும் கேட்காதீர்கள். ‘மக்கள் கேட்க விரும்பாதவற்றைச் சொல்வதுதான் ஜனநாயகம்.’ என்கிற வரிகள் நினைவுக்கு வராவிட்டாலும் பரவாயில்லை. கல்வியிற் சிறக்க வேண்டியவர்கள் சிந்தித்தால் என்னமோ உங்களின் காசில் படித்துக் கொழிக்கிறார்கள் என்று ஆணவம் கொள்ளாதீர்கள். அவர்களாவது பெரும்பாலும் இந்தியாவிலேயே இருக்கிறார்கள். எல்லாரும் ‘ஆமாம்சாமி!’ போடுவதற்கு இது ஒன்றும் உங்கள் வீடில்லை. அல்லது ஆர்.எஸ்.எஸ். சாஹா இல்லை. இது இந்தியா! ஓரமாக உட்கார்ந்து இரட்டை வேடம் வெளுக்காமல் கதறுங்கள்.

பூ.கொ.சரவணன் ஊடகவியலாளர். ‘வரலாற்றில் சாதனை படைத்த 200 பேர்’ என்ற புத்தகத்தின் ஆசிரியர்.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.