இந்தியா

“இடஒதுக்கீட்டில் வந்தவனே…உன் தலையை வெட்டி கூறுபோட்டு பன்றிக்குப் போட வேண்டும்!”: பா. ரஞ்சித்துடன் இருக்கும் படத்தைப் போட்ட ஐஐடி மாணவர் அபினவ் சூர்யா மீது தாக்குதல்

சென்னை ஐஐடியில் படிக்கும் மாணவர் அபினவ் சூர்யா. சமீபத்தில் இயக்குநர் பா. ரஞ்சித் பங்கேற்ற ஒரு கலந்துரையாடல் நிகழ்வில் கலந்துகொண்டார்.  இயக்குநர் ரஞ்சித்துடன் எடுத்துக்கொண்ட படத்தை தன்னுடைய முகநூலில் பகிர்ந்திருக்கிறார். இந்தப் படத்தைப் பார்த்து, பலர் அபினவ் சூர்யாவின் இன்பாக்ஸில் மிகக் கீழ்தரமான குறுந்தகவல்களை அனுப்பியுள்ளனர்.

“இடஒதுக்கீட்டில் வந்தவனே…உன் தலையை வெட்டி கூறுபோட்டு பன்றிக்குப் போட வேண்டும்!”

“சராசரி அறிவுகூட இல்லாத இடஒதுக்கீட்டில் வந்தவர்கள்” என்று தொடங்கி எழுத முடியா வசைகளை அனுப்பியுள்ளனர்.

அபினவ் சூர்யா, “இவையாவது பரவாயில்லை. என் தாயையும் என் சகோதரிகளையும் கீழ்த்தரமாக எழுதி அனுப்பிய குறுந்தகவல்கள் பகிர முடியாதை” என்கிறார்.

ஐஐடியில் நிலவி வரும் இடஒதுக்கீட்டுக்கு எதிரான வன்மத்தைக் காட்டுகின்றன இந்தக் குறுந்தகவல்கள். தலித் மாணவர்களின் தற்கொலை சம்பவங்களின் பின்னணியுடன் இத்தகைய வன்மமான தாக்குதல்கள் இருப்பதை கவனிக்க வேண்டும்.

Advertisements

4 replies »

  1. இதனைத்தான் நாம் குறியீடுகளின் போராட்டம் என்று நாம் புரிந்து கொள்ள வேண்டும். திரைப்படைப்பாளர் பா.ரஞ்சித் பின் நிற்க ஒரு மாணவர் பேசுவதாக அமைந்த படம் அவர்களை அச்சுறுத்தும், நிம்மதி இழக்கச் செய்யும். வெற்றி- வானமே எல்லை- என்று பித்துப்பிடித்து அலையும் அந்தக் கூட்டத்திற்கு வெற்றி மட்டுமே கண்ட ஒரு கலைஞனுடன் ஒரு மாணவர் தோன்றுவதே ஒரு தாக்குதல்தான். இவர்கள் ஓலமிடத்தான் முடியும், வசைகளுடன் வருவார்கள் அதற்கெல்லாம் அஞ்சத் தேவையில்லை. இந்திய மக்களில் நான்கில் ஒரு பகுதி கொண்ட மக்கள் அரசியலடைவதை, அறிவு பெறுவதை அவர்கள் கொண்டாடவா செய்வார்கள்? அச்சம் நம் அரசியலுக்குப் பகை. அநீதியால் வாழ்கிறவர்கள் அறிவாளிகளா? சாதியொழிப்புக் கலைஞன் ரஞ்சித் போல ஒவ்வொரு இளைஞரும் நேர்கொண்டு பேச வேண்டும். இக்கட்டுரையின் முகப்பாய் அமைந்த அப்படத்தை சற்றுக் கவனியுங்கள். அதுதான் அறிவின் செருக்கு. இடஒதுக்கீடு அல்ல அது, நம் உரிமை அது, அரசியலில் நம் இடப்பகிர்வு. ஒவ்வொரு சொல்லும் போராட்டமே. அவர்களின் ஒவ்வொரு அசைவும் போர்த்தொடுப்பே. ரோகித் வெமுலாக்கள் தற்கொலையை மட்டுமே தேர்ந்தெடுப்பார்கள் என்று யார் சொன்னது?

    Like

  2. ஒரிஜினல்ஆதங்கம்வெளிப்படுவதைவைத்துமக்கள் தங்களின் நிலைமையையும் எதிர்ப்புகளையும் உணர்ந்து தங்களுக்கு பாதுகாப்புக்கும் சமத்துவத்துக்கும் வழிகாண அவசிய நேரமிது நம்மிடையே இருப்பவர்கள் அனைவரும் நல்ல மனநிலையில் இருப்பார்கள்னு நினைப்பததும் மகா தவறு

    Like

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s