சம்சுதீன் ஹீரா

சம்சுதீன் ஹீரா
சம்சுதீன் ஹீரா

முகநூலில் ஸ்டிரைக் செய்வது, ஹாஸ் டேக் டிரண்டிங் ஆக்குவது, முகப்புப்படம் மாற்றுவது இதெல்லாம் எப்படி போராட்ட வடிவங்களாகும், இதன்மூலம் என்ன செய்துவிட முடியும்? என்று சில நண்பர்கள் கேட்கிறார்கள்.

மத்தியில் பா.ஜ.க ஆட்சிக்கு வந்ததும் வானரப்படைகளின் ஆட்டமும் கொக்கரிப்பும் எல்லைமீறிச் சென்றதை நாம் அனைவரும் பார்த்தோம்.

தாலி குறித்து விவாத நிகழ்ச்சியை ஏற்பாடு செய்த பு.த தொலைக்காட்சியின் மீது இந்துத்துவா குண்டர்கள் பட்டாசு வீசியதும்( அவிங்க குண்டு வீசினாலும் அது பட்டாசுதான்) . அதைத்தொடர்ந்து திராவிடர் கழகத்தின் தாலியகற்றும் நிகழ்விற்கு ஆயுதங்களோடு (வெளாட்டு சாமான்கள்னு சொல்லுவாய்ங்க) குண்டர்கள் சென்று கலவரம் செய்ய முயன்றதும் அனைவரும் அறிவோம்.

அதைத்தொடர்ந்து மத்திய அமைச்சர் பொன்.ராதாகிருஷ்னன் கருப்புச்சட்டை கிழிக்கும் போராட்டம் நடத்தி தி.க வினரின் சட்டைகளைக் கிழிப்போம் என்று சொன்னதாக தகவல்கள் வெளியானது.

அதனால் நாங்கள் சில தோழர்களோடு விவாதித்து தி.க.வினரை ஆதரித்து கருப்புச்சட்டை அணியும் போராட்டம் என்று முன்னெடுத்தோம். அதன்படி குறிப்பிட்ட நாளில் அனைவரும் கருப்புச்சட்டை அணிந்து புகைப்படம் எடுத்து முகநூலில் முகப்புப்படம் வைத்தனர். கிட்டத்தட்ட முப்பதாயிரம் பேர் கட்சி, அமைப்பு வேறுபாடின்றி பாசிசத்துக்கெதிராக தமது எதிர்ப்பை எளிய முறையில் பதிவு செய்தனர்.

இந்திய அளவில் #black_against_suffron என்ற ஹாஸ்டேக் மூன்றாவது இடத்திற்கு வந்தது. பல பத்திரிக்கைகளில் செய்தியாகியது. தமிழகம் தாண்டி பிற மாநிலங்களிலும் ஆதரவு கிடைத்து கவனத்தை ஈர்த்தது. இது மூன்று விளைவுகளை ஏற்படுத்தியது.

1. அகில இந்திய பா.ஜ.க தமிழக பா.ஜ.க வுக்கு டோஸ் விட்டது சில பத்திரிக்கைகள் வாயிலாக தெரியவந்தது.

2. இந்திய உளவுத்துறையிலிருந்து இந்த போராட்டத்தை முன்னெடுத்த நபர்கள் அல்லது குழு குறித்து விசாரிக்க ஒரு பிரபல ஐ.டி நிறுவனத்துடன் ஒப்பந்தம் செய்ததை அந்த நிறுவனத்தில் பணிபுரியும் ஒரு தோழர் மூலம் தெரியவந்தது.

3. சட்டை கிழிப்பதாக சொன்ன அவர்களால் ஒன்றும்#கிழிக்க முடியவில்லை.

இதன்மூலம் சொல்லிக்கொள்வது என்னவெனில்… தொழிலாளர் விரோத மக்கள் விரோத அரசை கேள்விகேட்க, பணியவைக்க உங்களால் முடியும். போராடும் தொழிலாளர்களுக்கு ஆதரவாக நாம் ஒருநாள் செப்டம்பர் 2-ஆம் தேதி முகநூலில் காலை 8 மணி முதல் மாலை 6 மணி வரை செயல்படாமல் இருப்போம்..

#sep2facebookstrike இந்த ஹாஸ்டேக்கைப் பயன்படுத்துவோம்..

அரசின் கேளாச்செவிகள் கேட்கட்டும்…

சன்சுதீன் ஹீரா, எழுத்தாளர்; மௌனத்தின் சாட்சியங்கள் நாவலின் ஆசிரியர்.