இந்துத்துவம்

இந்து மக்கள் கட்சி போராட்டத்தில் பழ. நெடுமாறன்; இதுதான் தமிழ் தேசிய ஃபார்முலாவா?

இலங்கையில் பௌத்தமயமாக்கலை எதிர்த்து இந்துமக்கள் கட்சியின் சார்பில் கடந்த 23-09- 2016 அன்று சென்னை வள்ளுவர் கோட்டத்தில் ஒருநாள் உண்ணாவிரதப் போராட்டம் நடந்தது. இதில் தமிழர் தேசிய முன்னணியின் தலைவர் பழ. நெடுமாறன், ஈழ கவிஞர் காசி. ஆனந்தன் கலந்துகொண்டது சர்ச்சையை ஏற்படுத்தியுள்ளது.

சமூக-அரசியல் விமர்சகர் திரு. யோ தனது முகநூல் பதிவில்,  “தமிழ்தேசியம் என்ற போர்வையில் பழ.நெடுமாறன் செய்து வருவதெல்லாம் தனது இருப்பை தக்க வைத்தலும், தன்னை முன்னிறுத்தலும். முள்ளிவாய்க்கால் இனப்படுகொலைக்கு பிறகு தமிழகத்தில் அவர் நடத்திய பல நாடகக்காட்சிகள் அதை வெளிப்படையாக்கியது. தற்போது இனையம் கடற்கரையில் துறைமுகம் அமைக்க பா.ஜ.கவுக்கு வால்பிடிக்கிற இந்த ஆசாமியின் விளக்கங்கள் அபத்தத்திலும் அபத்தமானவை.

ஈழத்தமிழர்களை இந்தியா காப்பாற்றும் என்று நம்பவைத்து அனைவரையும் புதைகுழிக்கு அனுப்பியதில் பழ.நெடுமாறனுக்கு பங்குண்டு. தன்னை ஈழத்தின் தமிழக authorityயாக காட்டிக்கொள்ளுகிற இந்த நபர் காலாவதியான நம்பிக்கைகள், கொள்கைகளின் தொகுப்பு. இன்று தனது பிழைப்பிற்காக இனையம் துறைமுக ஆதரவு என்கிற நிலைபாட்டை எடுத்துள்ள இந்த நபர் அதற்கும் ஈழத்தை தொடர்புபடுத்தி எழுதுவது தனக்கு ஆள்சேர்க்கிற தந்திர முயற்சியில் ஈடுபடுகிறார். தமிழகத்தில் உள்ள ஈழ ஆதரவாளர்களை தன்னை நோக்கி திரும்ப எடுக்கிற இந்த தந்திரம் புதுடில்லி அரசின் கார்ப்பரேட் திட்டங்களுக்கு கடலோர கிராமங்களையும், மக்களையும், குமரிமாவட்டத்தையும் மொத்தமாக இந்திய தேசியத்தின் காலடியில் பலியிடும் நோக்கமுள்ளது. இதுதான் நம் கையை வைத்தே நம் கண்ணைக் குத்துவது” என்கிறார்.

மனித உரிமை செயற்பாட்டாளர் அ. மார்க்ஸ், தமிழ் தேசியம் பேசுகிறவர்களு இந்துத்துவ அமைப்புகளுடன் இணைவதை தாம் ஏற்கனவே சுட்டிக்காட்டியதாக தெரிவித்துள்ளார்.

சமூக-அரசியல் விமர்சகர் வில்லவன் இராமதாஸ், இந்துத்துவ – தமிழ் தேசிய கூட்டணியை பகடி செய்திருக்கிறார்.

Advertisements

2 replies »

  1. அப்போதே தமிழ் தேசியம் பேசுபவா்கள் பழ.நெடுமாறனை பற்றி கூறும்போது நான் நம்பவில்லை. இப்போது பல்லிளிக்கிறது பழத்தின் தமிழ் தேஷியம்.

    Like

  2. பழ.நெடுமாறனோ, காசி ஆனந்தனோ இந்து மக்கள் கட்சியை எல்லாவற்றிலும் ஆதரிக்கிறார்களா. இந்த ஒரு நிகழ்வில் பங்கேற்றதை விமர்சிப்பவர்கள் அவர்கள் இருவரும் இமகவின் அரசியலை ஆதரிக்கிறார்கள், இந்த்துவத்தை ஆதரிக்கிறார்கள் என்பதற்கு சான்றுகள் தருவார்களா. இந்து மக்கள் கட்சி போன்றவை முற்றிலுமாக விலக்கப்பட வேண்டியவை, பிற மதம் சார்ந்த கட்சிகள்/அமைப்புகள் அவை எத்தகைய நிலைப்பாடு எடுத்தாலும் அவற்றின் நிகழ்வுகளில் பங்கேற்ப்பது சரி, அவற்றை ஆதரிப்பது
    என்பது போலி மதச்சார்பின்மைவாதத்தின் ஒரு பகுதிதான். பழ.நெடுமாறனின் தமிழ் தேசியத்தை விமர்சிப்பது வேறு, தமிழ்தேசியத்தையே இது போன்றவற்றைக் கொண்டு முத்திரை குத்துவது என்பது வேறு என்றில்லாமல் குழப்புவதுதான் இங்கு சிலருக்கு வாடிக்கையாக உள்ளது. அ.மார்க்ஸ் அதைத்தான் தொடர்ந்து செய்துவருகிறார்.

    Like

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s