காவிரி மேலாண்மை வாரியம் அமைக்கக் கேட்டு விவசாயிகளின் வேண்டுகோளுக்கிணங்க அதிமுக, பாஜக, தேமுதிக, பாமக தவிர்த்த அனைத்து கட்சிகளும் அமைப்புகளும் தமிழகத்தில் ரயில் மறியல் போராட்டத்தில் ஈடுபட்டன. மக்கள் அதிகாரம் அமைப்பு சென்னை எழும்பூரிலும் விழுப்புரத்திலும் ரயில் மறியல் போராட்டத்தில் ஈடுபட்டது.

சென்னை எழும்பூர் ரயில் நிலையத்தில் செவ்வாய்கிழமை மறியல் போராட்டத்தில் மக்கள் அதிகாரம் அமைப்பினர் ஈடுபட்டபோது, போராட்டத்தில் ஈடுபட்ட பெண்களை காவல்துறையினர் கீழ்த்தரமாகப் பேசியதாக கூறியுள்ளது.

makkal-athikaram-rail-roko-3

 

இதுகுறித்து மக்கள் அதிகாரம் வெளியிட்டுள்ள அறிக்கையில், “சென்னை மக்கள் அதிகாரம் சார்பில் எழும்பூர் ரயில் நிலையத்தில் 18.10.2016 அன்று ரயில் மறியல் போராட்டம் நடை பெற்றது. மக்கள் நலக்கூட்டணியினர் ரயில் நிலையத்திற்குள் போராடிக் கொண்டு இருந்தனர். அந்த இடத்திற்கு சற்று முன்னதாக தாசப்பிரகாஷ் சந்தோஷ் நகர் வழியாகச் சென்று பெண்களும் குழந்தைளுமாக சுமார் 100 பேர்கள் உள்ளூர் ரயில்களை மறித்தனர். ரயிலின் மீதேறி முழக்கமிடத் தொடங்கினர். ரயில் பயணிகளிடம் போராட்டத்தின் நியாயத்தை விளக்கி துண்டறிக்கைகளை கொடுத்தனர். அப்போது பலர் ரயிலை விட்டு இறங்கிச்சென்றனர்.

போலீசு வழக்கம் போல போஸ் கொடுத்து செல்ல மாட்டோம் எனத்தெரிந்து போராட்டத்தில் ஈடுபட்டவர்களை அடாவடியாக இழுத்துச்சென்றது. இதைக் கண்ட முதியவர் ஒருவர் ஏய்யா காவிரித்தண்ணிய திறக்கச்சொல்ல முடியுமா?  என்று போலீசிடம் வாக்குவாதத்தில் ஈடுபட ஆரம்பித்தார். அடிமைகளைப் பார்த்து பழக்கப்பட்ட போலீசு சும்மா இருக்குமா? அவரை சராமரியாக அடித்தது. இதைப்பார்த்த மக்களும் தோழர்களும் தண்டவாளங்களை விட்டு அகல மறுத்தனர். தோழர்களை கொத்தாகத் தூக்கி இன்னொரு தண்டவாளத்தில் வீசுவது, ஓடும் ரயிலுக்கு அருகில் தூக்கிப் போட்டது. இதைப்பார்த்து மற்றவர்கள் பயப்படுவார்கள் என நினைத்தது.

makkal-athikaram-rail-roko-2

அடுத்த கட்டமாக தனது பொறுக்கித்தனத்தை காட்டத் தொடங்கியது. ஆண் போலீசு  பெண்களின் உடையை இழுப்பதும் கைகால்களை முறுக்கியும் வெறியாட்டம் போட்டது. தேவடியாளுங்களே  காசு வாங்கிட்டு ஆடுறீங்க என கூச்சல் போட்ட போலீசு அதிகாரி வினோத் ” என் பேரை நோட் பண்ணுடா என்னை ஒண்ணும் புடுங்க முடியாது” என்றார். இன்னொரு போலீசு  “ ஏண்டி இப்படி ஆட்டம் போடுறீங்க” என ஒரு பெண் தோழரை ஆபாசமாகப் பேசிக்கொண்டிருந்தார். வீடியோ கேமராவைப் பார்த்ததும் ஏம்மா மரியாதையா பேசும்மா என்றதாக தெரிவித்துள்ளனர்.