இலக்கியம் சுற்றுச்சூழல்

அறிமுகம்: கலை இலக்கிய சூழலியல் இதழ் ‘ஓலைச்சுவடி’!

தமிழில் கலை இலக்கிய சூழலியல் இதழாக மலர்ந்துள்ளது ‘ஓலைச்சுவடி’.  இதழின் ஆசிரியர் கி.ச. திலீபன் பகிர்ந்துகொண்ட குறிப்புகள் இங்கே:

‘மீட்சியும் உயிர்த்தெழுதலுமே மேலதிக அர்த்தம் உடையது’ ஓலைச்சுவடிக்கு படைப்பு கேட்பதற்காக அணுகியபோது அய்யா வண்ணதாசன் சொன்ன வார்த்தைகள் இவை. ஓலைச்சுவடி மீண்டும் உயிர்கொள்கிறது. ஓலைச்சுவடியின் இரண்டாவது இதழே அதன் மறுபிறப்பாக இருக்கிறது என்பதை நினைக்கையில் வேடிக்கையாகத்தான் இருக்கிறது. ஜனரஞ்சகப் பத்திரிக்கைகளுக்கு உரித்தான பல அம்சங்களுடன் 2012ம் ஆண்டு ஆகஸ்ட் மாதம் ஓலைச்சுவடியின் முதல் இதழ் வெளியானது. ஒரு இதழைத் தொடங்கி நடத்துவதற்கு பொருளாதார வலு இருக்க வேண்டும். அதற்கான வாய்ப்பற்றுப் போனதால் ஓலைச்சுவடி அது மேற்கொண்டு வெளிவரவில்லை. வெறும் நினைவாக மட்டுமே இருந்த ஓலைச்சுவடியை உயிர்ப்பிக்க நான்கு ஆண்டுகள் ஆகியிருக்கின்றன. இந்தக் கால இடைவெளியில் நான் சிலவற்றைக் கற்றுணர்ந்திருக்கிறேன். விருப்பப்பட்ட இடங்களுக்குப் பயணம் செய்திருக்கிறேன். இவை எல்லாம் உணர்த்தியது ஒன்றே ஒன்றைத்தான். இங்கே செயல்படுவதற்கான பெரிய களம் இருக்கிறது. செயலாற்றுவது மட்டுமே நமது பணியாக இருக்க வேண்டும்.

கலை இலக்கியம் என்பதோடு நில்லாமல் சூழலியலையும் இணைத்து ஓலைச்சுவடியைக் கொண்டு வந்திருக்கிறேன். கலை இலக்கியத்துக்கும் சூழலியலுக்கும் நீண்டதொரு இடைவெளி இருப்பதை உணர முடிகிறது. தற்போதைய உலகமயமாக்கல் சூழலில் ‘சூழலியல்’ கருத்தாக்கங்களுக்கான தேவை இருக்கிறது. அவற்றை முதன்மைப்படுத்துவது இதழியலின் கடமை என்றே சொல்ல வேண்டும். என் மதிப்புக்குரியவர்கள் இந்த இதழில் பங்காற்றியிருப்பதை எண்ணி மகிழ்கிறேன். சொல்லப்போனால் உண்மையில் ஓலைச்சுவடி இப்போதுதான் பிறக்கிறது. நீண்டு கிடக்கும் பயணப்பாதையில் அது மெல்லவே தவழ்ந்து, நடைபழகிச் செல்லும். மழலை மணத்தோடு இந்த இதழை உங்கள் முன் வைக்கிறேன்.

இதழ் வடிவமைப்பு : திலீப் பிரசாந்த், அட்டைப்பட ஓவியம் : நாகா

இதழில்…

நக்கீரன் நேர்காணல் – கி.ச.திலீபன்
இயக்குனர் பெலா தார் நேர்காணல் – மார்டின் குட்லாக், தமிழில் இரா.தமிழ்செல்வன்

கட்டுரைகள்

நிலம் என்னும் நற்றாய் – பாமயன்
காவிரி… கர்நாடகம்… காடுகள் – இரா. முருகவேள்
மொழியில் உயிர்பெறும் கடல் – வறீதையா கான்ஸ்தந்தின்
ஜாரியா – ஓர் அகத்தேடல் – பு.மா.சரவணன்

சிறுகதைகள்

நாலு மூலைப்பெட்டி – க.சீ.சிவக்குமார்
போலி மீட்பன் – செம்பேன் உஸ்மான் (தமிழில் : லிங்கராஜா வெங்கடேஷ் )

கவிதைகள் – வா.மு. கோமு, பா. திருச்செந்தாழை, ஷாராஜ் , சு. வெங்குட்டுவன்

தானாவதி நாவல் விமர்சனம் – பிரவீன்குமார்

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.