SBI வங்கியை பாராட்டி மலர் கொத்து கொடுக்கும் போராட்டத்தை அறிவித்திருக்கிறது சமூக நீதிக் கட்சி. இதுகுறித்த அறிவிப்பில்,

“இளைஞர்களுக்கு சுய தொழில் தொடங்க கடன் தர மறுக்கிற, மாணவர்கள், விவசாயி வாங்கிய கடனை கேட்டு தொந்தரவு செய்கிற, மாணவர் லெனினை கொலைசெய்த, வனங்களை அழித்த ஈஷா யோகா மையத்திற்கு மக்கள் வரிப்பணத்தை தானமாக வழங்கிய, விஜய் மல்லையா உள்ளிட்ட 63 தொழில் அதிபர்கள் வாங்கிய கடன் 7000 கோடி ரூபாயை தள்ளுபடி செய்த State Bank Of India வங்கியை மனதார பாராட்டும் வகையில் SBI வங்கிக்கு மலர் கொத்து கொடுக்கும் போராட்டம் நடைபெற உள்ளது.

18.11.2016, காலை 11 மணிக்கு கோவை இரயில் நிலையம் அருகில் உள்ள SBI மண்டல வங்கி அலுவலகம் முன்பு இந்தப் போராட்டம் நடைபெறுகிறது.

வங்கியை பாராட்ட அனைவரும் வருக” என சமூக நீதிக் கட்சியைச் சேர்ந்த ந.பன்னீர்செல்வம் அழைப்பு விடுத்திருக்கிறார்.