வங்க கடலில் கடந்த 7-ந்தேதி உருவான காற்றழுத்த தாழ்வு பகுதி வலுப்பெற்று தாழ்வு மண்டலமாக மாறியது. பின்னர் அது புயலாகவும் உருவானது. ‘வர்தா’ என்று பெயரிடப்பட்ட இந்த புயல் மேலும் வலுப்பெற்று அதிதீவிர புயலாக மாறியது.

இந்நிலையில் வர்தா புயல் வடக்கு தமிழகம் – தெற்கு ஆந்திரா இடையே, சென்னை அருகே கரையை கடக்க தொடங்கியுள்ளது. சென்னையில் கரையை கடக்கும்போது வர்தா புயல் மணிக்கு 120 கி.மீ வேகத்தில் காற்று வீசக்கூடும் என வானிலை மையம் தெரிவித்துள்ளது. 2 மணி முதல் 5 மணிக்குள் புயல் கரையைக் கடக்கும் எனவும் தெரிவிக்கப்பட்டுள்ளது.