எந்த ஒரு முதலாளித்துவ அரசும்,தனது வர்க்கச் சார்பு நடவடிக்கையை பட்டவர்த்தனமாக அறிவித்துக்கொண்டு செயல்படுத்துவதில்லை. அது, முதலாளித்துவ வளர்ச்சியை நாட்டின் வளர்ச்சியாகவும், அதற்கு சேவை செய்வதை நாட்டின் நலன் கருதிய சேவையாகவுமே காட்டும். உள்நாட்டிலும், வெளிநாட்டிலும் பகைவர்களைக் கட்டமைத்து தனது சமூக மேலாண்மையை தக்க வைத்துக் கொள்ள முயலும். எனவே கறுப்பு பண மீட்பு, கள்ளப் பண ஒழிப்பு, தீவிரவாத பணத்தை கட்டுப்படுத்துவது போன்ற விவகாரங்களை அம்பலப்படுத்துவது எவ்வளவு அவசியமோ, அதன் விளைவுகளை கண்டிப்பது எவ்வளவு அவசியமோ, அது போலவே இந்த நடவடிக்கைக்கு பின்னாலான பொருளியில் பகுப்பாய்வை மேற்கொள்வதும் அவசியமானதாகும். ஆழமான பொருளாதார பார்வையுடன் அருண் நெடுஞ்செழியன் எழுதிய கட்டுரைகளின் தொகுப்பு இந்நூல். அருண் நெடுஞ்செழியன் எழுதிய பல கட்டுரைகள் டைம்ஸ் தமிழில் வெளியாகி வாசகர்களிடம் வரவேற்பை பெற்றவை.
நூல் : செல்லாக் காசின் அரசியல்
ஆசிரியர்: அருண் நெடுஞ்செழியன்
விலை: ரூ. 40
தொடர்புக்கு: எண் 6, எழுபது அடி சாலை, சுப்புப்பிள்ளைத் தோட்டம், தி.நகர், சென்னை.
Ph: 9042274271.