சென்னை மேடவாக்கத்தில் போராட்டத்தில் ஈடுபட்ட ஜனநாயக வாலிபர் சங்கத்தைச் சேர்ந்த பெண்கள் மீது பாலியல் அத்துமீறலில் போலீஸார் ஈடுபட்டதாக பாதிக்கப்பட்ட பெண்கள் கூறியிருந்தனர். இது ஊடகங்களில் வெளியாகி கண்டனத்துக்குள்ளானது. இந்நிலையில் மனித உரிமை ஆணையம் தாமாக முன்வந்து இதுகுறித்து விசாரித்து அறிக்கை அளிக்கும்படி சென்னை காவல்துறை ஆணையருக்கு நோட்டீஸ் அனுப்பியுள்ளது. ஆறு வாரங்களில் விசாரணை அறிக்கையை அளிக்க காலக்கெடுவும் விதிக்கப்பட்டுள்ளது.