திராவிட அரசியல்

சர்வாதிகார ஆன்மாவும் 134 அடிமைகளும்

அருண் பகத்

அருண் பகத்

அருண் பகத்

அ.தி.மு.க அதிகாரம் திணறிச் சிதறிக் கொண்டிருக்கிறது. குனிந்து குனிந்து திருடித் தின்ற அடிமை எம்.எல்.ஏ க்களும் , பல மா.செ க்களும் , கவுன்சிலர்களும் உச்சக்கட்ட குழப்பத்தில் இருக்கிறார்கள். கையில் தற்போது இருக்கும் கனமான பொட்டியும் ,அரசியல் எதிர்காலம் குறித்த கவலையும் ஒன்றோடொன்று கடுமையாக மோதிக் கொண்டிருக்கின்றன.

இந்திய அரசியலில் எளிதாக காய்களை நகர்த்திய பார்ப்பன லாபி திடீரென மாயமாகிப் போனதில்.. கொள்கைகளற்ற , அரசியலற்ற ஒரு அதிகார மமதைக் கட்சி , அரசியல் சதுரங்கத்தில் கடும் கட்டம் கட்டலை சந்தித்துக் கொண்டிருக்கிறது.

திமுக அளவுக்கான ஜனநாயகமோ , அரசியல்படுத்தலோ கூட இல்லாமல்.. நீண்ட நாள் aeroplane mode ல் இருந்த அடிமைக்கூட்டத்தின் மூளைகளுக்கு , இப்போது சுய சிந்தனை signal கள் கிடைப்பதில் இயற்கையாகவே தடைகள் ஏற்படுகிறது.

டி.டி.வி தினகரனிடம் சரணாகதி அடைவதற்கும் , அவருக்கு டைட்டில்கள் சூட்டுவதிலும் , புதிய அருள் கிரக பார்வைக்கு தவமிருப்பதிலும் மகிழ்ந்து போக அடிமைத் திருடர்கள் தயாரய் இருந்தாலும்.. திருட்டையும் , நக்கிப் பிழைத்தலையுமே வாழ்வாக வைத்திருக்கும் இந்த அடிமைக் கூட்டத்தை , பாகிஸ்தானின் ரானா பந்துவீச்சை சிதறடிக்கும் சேவாக்கைப் போல்.. வெகு சுலபமாக சிதறடிக்கிறது மத்திய பா.ஜ.க.

சசி , எடப்பாடி , டி.டி.வி என்று அவர்களது எல்லா நம்பிக்கைகளையுமே ஓ.பி.எஸ் மூலமாகவும் ஆளுனர் மூலமாகவும் எள்ளி நகையாடுகிறது மத்திய பா.ஜ.க.

சின்னம்மா என்று கதறுவதும் , டி.டி.வி அய்யா என உருகுவதுமான காட்சிகளுக்குள் அடிமைக் கூட்டத்தால் கரைந்து போக முடியாதளவுக்கு அரசியல் காய் நகர்த்தல்கள் கட்டம் கட்டிக் கொண்டிருக்கிறது.

மதவாதம் போன்ற கேவலமான கொள்கைகள் கூட அற்று… வெறுமே காட்டிக் குடுப்பது , ஜால்ரா அடிப்பது , நக்கிப் பிழைப்பது , திருடித் தின்பது மட்டுமே அரசியல் என்று வாழ்ந்துக் கொண்டிருக்கிற அடிமை ஜந்துக்களால்.. தமிழகத்தைப் போன்ற சுரண்டல் ஊற்றெடுக்கிற , அரசியல் பிரஞ்கை பெரிதுமற்ற மக்களைக் கொண்ட சமூக அமைப்பில் கூட survive பண்ண முடியாது என்பதைத் தான் நடப்பு நிகழ்வுகள் காட்டிக் கொண்டிருக்கின்றன.

ஏனெனில்.. சீழ்படிந்த சமூக அமைப்பின் பொது உளவியலுக்குள்ளேயும் மாற்றத்திற்கன ஏக்கம் தகித்துக் கொண்டெ இருக்கிறது. அந்த ஏக்க சிந்தனை அரசியல்படாமல் மந்திரத் தருணங்களை எதிர்பார்த்துக் கொண்டிருக்கிறது . ஜல்லிக்கட்டுப் புள்ளியில் பெரும் Mass இப்படியே கூடியது.. பின்னர் அது ஆக்கப்பூர்வமான் அரசியலை நோக்கி நகர்ந்தது வேறு விவாதம்.

அத்தகையதொரு மந்திரத் தருணமாய் தான் தற்போதைய சூழலை பொது உளவியலின் பெரும்பான்மை பகுதி பார்க்கிறது. சீழ்படிந்த சமூக அமைப்பு முறைக்குள் அதற்கு எதிராக எழுகும் எதிர்விசை , அப்பல்லோ குழப்பத்தையும் சேர்த்து தற்போது மொத்தமாக சசி மீது மையம் கொண்டிருக்கிறது.

இச்சூழலை புரியத் திராணியின்றி.. மக்களையும் தொண்டர்களையும் மிக மலிவாக எடை போட்டு , திருட்டு நிர்வாகிகளை மட்டுமே கருத்தில் கொண்ட சசியது நகர்த்தல்களின் எதிர்வினையை மிக லாவகமாக பயன்படுத்திக் கொள்கிறது பா.ஜ.க .

மக்களுக்கான அரசியல் கொஞ்சமுமற்ற அடிமைத் திருட்டுக் கூட்டத்தின் நகர்வுகள் இவ்வாறாக மட்டுமே இருக்க முடியும். அதன் சிதறல்களும் இவ்வாறாகவே இருக்க முடியும் , சீரழிவுகளும் இவ்வாறாகவே இருக்க முடியும் , அதன் அழிவும்.. மிக அருகிலேயே இருக்கிறது என்று புரிந்துக் கொள்வதில் துளியும் மிகை இல்லை.

தங்களை சிதறடிக்கும் ஒரு பாசிச எதிரியை எதிர்கொள்ளக் கூடிய அரசியலும் , கொள்கையும் , ஜனநாயக உணர்வும் கொஞ்சம் கூட இல்லாத.. வெறும் பேனர்களில் ஜால்ரா அடிப்பதும், நிலங்களில் கொள்ளை அடிப்பதும் என்று மட்டுமே இருந்த கூட்டம்.. தங்கத்தாரகை இருந்தபோதெல்லாம் அடித்த கூத்துக்கான எதிர்வினையை காலம் இப்போது எள்ளலோடு வழங்கிக் கொண்டிருக்கிறது.

இந்த அழிவில் பா.ஜ.க அறுவடை செய்யப் பார்க்கிறது.. ஆனால்..

ருத்ரா என்கிற பாக்யராஜ் படத்தின் இறுதி சண்டைக் காட்சியில்.. ‘அட்டை டப்பா குவியலுக்கு அடியில் சென்று விட்ட துப்பாக்கியை எடுக்க நெடு நேரமாக டப்பாவை எடுத்து வைத்துக் கொண்டிருப்பான் வில்லன் … துப்பாக்கி தென்பட்ட நேரத்தில் பாக்யராஜ் வந்து அத்துப்பாக்கியை எடுத்துச் செல்லும் நகைச்சுவைக் காட்சி வரும்..

அது போல பா.ஜ.க தனது கனவோடு அதிமுக என்கிற வெத்து பெருங்காய டப்பாவை பிரித்து மேய்கிறது. இந்த சிதறடித்தலில் ஏற்படும் வெற்றிடத்தை… முற்போக்கு சக்திகள் பயன்படுத்திக் கொண்டு பா.ஜ.க வை கோமாளியாக்க வேண்டும்.

அதி நுட்ப அரசியல் செய்யும் பா.ஜ.க , அதன் பலனை அறுவடை செய்யாமல் கோமாளியாவதற்கு வாய்ப்புண்டா ??

உண்டு நிச்சயம் உண்டு.. ஏனெனில் இது பெரியார் , ஜீவா அவதரித்த தமிழ் பூமி.

அருண் பகத், குறும்பட இயக்குநர்.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s