#புத்தகம்2017

#புத்தகம்2017: பொய்-வேடங்களில் மன்னன்… இப்பொழுது தலைநகர் டெல்லியில்!

மோடியின் பொய் வாக்குறுதிகளை அம்பலப்படுத்தும் ‘பொய்-வேடங்களில் மன்னன் … இப்பொழுது தலைநகர் டெல்லியில் !’ நூலிம் பின்னணியில் உள்ள தகவல்கள் இங்கே…

● தமிழில் வெளிவந்துள்ள “பொய்-வேடங்களில் மன்னன் … இப்பொழுது தலைநகர் டெல்லியில் (பாகம் 1) …..!” நூலின் மூலப்பிரதியின் தலைப்பு “Fekuji Have Dilli Ma” . இந்த குஜராத் பதிப்பானது , மிகச்சரியாக மைய அரசில் மோடி பதவியேற்று இரண்டு ஆண்டுகள் நிறைவடைந்த நாளான மே 26 2016 அன்று குஜராத் மாநில தலைநகரான அகமதாபாத்தில் வெளியிடப்பட்டது.

● புத்தகம் வெளிவந்த ஒரு வாரத்திற்குள்ளாகவே , பி.ஜே.பி உறுப்பினரும் , மோடியின் ஆதரவாளருமான சோலங்கி நர்சிங்பாய் கோவிந்த்பாய் என்பவர் இப்புத்தகத்தை தடை செய்யவேண்டும் என அகமதாபாத் கீழ் கோர்ட்டில் வழக்கு தொடுக்கிறார். ”ஆட்சிக்கு வந்து இரண்டு ஆண்டுகள் மட்டுமே ஆகி உள்ள சூழ்நிலையில் மோடியின் அரசை இப்புத்தகம் விமர்சிக்கிறது.இப்புத்தகம் பேசும் கருத்துகள் பிரதமர் மோடியை ஏளனம் செய்வதோடு , அவரின் நற்பெயருக்கு களங்கம் விளைவிக்கிறது. இப்புத்தகத்திற்கு கொடுக்கப்பட்டுள்ள தலைப்பு மோடியின் கண்ணியத்தை குறைக்கிறது. எனவே இப்புத்தகத்தை குஜராத்திலும் , வேறு எந்த ஒரு இடத்திலும் விற்பனை செய்வதற்கு தடை விதிக்கவேண்டும் “ என வழக்குதொடுத்தார்.
● ”இப்புத்தகம் நாட்டின் ஒற்றுமைக்கும் , இறையாண்மைக்கும் எவ்வித அச்சுறுத்தலையும் ஏற்படுத்தவில்லை.தொகுப்பாசிரியர் ஜெயேஷ் ஷா அவர்களின் தனிப்பட்ட கருத்துக்களையே இப்புத்தகம் கொண்டுள்ளது. இப்புத்தகத்தினை தடை செய்வது அவருடைய கருத்துச் சுதந்திரத்தை மீறும் செயலாகும். எனவே அரசியலமைப்பு விதி 19 உறுதிப்படுத்தும் பேச்சு மற்றும் எழுத்து சுதந்திர உரிமையின் படி ஜெயேஷ் ஷா இப்புத்தகத்தினை வெளியிட முழு உரிமை உள்ளது. இப்புத்தகத்தினை விற்பனை செய்வதற்கு இதன் எழுத்தாளருக்கும் , வெளியிடும் பதிப்பகத்தாருக்கும் தடை விதிக்கவேண்டும் என்று சோலங்கி நர்சிங்பாய் தொடுத்திருக்கும் வழக்கை இந்நீதிமன்றம் நிராகரிக்கிறது ” எனக்கூறி சிவில் நீதிமன்ற நீதிபதி A.M.தவே இந்த வழக்கை தள்ளுபடி செய்தார்.
●மீண்டும் சோலங்கி குஜராத் உயர் நீதிமன்றத்தில் வழக்கு தொடுக்கிறார்.ஆனால் வழக்கு தொடுத்த அடுத்த நொடியே “இப்புத்தகத்தினை தடை செய்வதற்கு மனுதாரர் மேற்கோள் காட்டும் காரணங்களை இந்த நீதிமன்றம் ஒப்புக்கொள்ளவில்லை” எனக் கூறி நீதிபதி S.H.வோரா மனுவை தள்ளுபடி செய்கிறார்.
●ஆங்கில பதிப்பு “BLUFF-MASTER NOW IN DELHI …! என்ற பெயரில் 2016 ஜூலை மாதம் அகமதாபாத்தில் வெளியிடப்பட்டது. 2012 முதல் 2014 ஆம் ஆண்டு வரை மோடிக்கு இணைய வழி பிரச்சாரத்திற்கு தானே முன் வந்து உதவிசெய்த மனித வளத்துறை ஆலோசகர் நந்திதா தாகூர் “ இந்நாள் வரை புகழ்பெற்று விளங்கும் , பிரபலமான பிரதம மந்திரினுடைய பிம்பத்தில் இதைப்போன்ற புத்தகங்கள் வடுவை ஏற்படுத்திவிட முடியாது “ எனக் குறிப்பிட்டார்.
●ஆங்கில பதிப்பு வெளிவந்த உடன் சென்னையைச் சேர்ந்த ’மொழிபெயர்ப்பு நூல்களின் களமான’ சிலம்பு பதிப்பகம் தமிழ் , மலையாளம் , தெலுங்கு மற்றும் கன்னட மொழிகளில் வெளியிடும் உரிமையைப் பெற்றது. இது குறித்து TIMES OF INDIA குஜராத் பதிப்பும் , TELEGRAPH பத்திரிக்கையும் செய்தி வெளியிட்டன.
●2017 ஜனவரி 4 –ஆம் தேதி தமிழ் பதிப்பான “பொய்-வேடங்களில் மன்னன் … இப்பொழுது தலைநகர் டெல்லியில் …..!” சென்னையில் வெளியிடப்பட்டது.
●தமிழ் பதிப்பு வெளிவந்த அடுத்த வாரம் இந்தி பதிப்பு அகமதாபாத்தில் வெளியிடப்பட்டது.
● 2017 ஜனவரி 19 அன்று யோகேஷ் நங்தாஸ் ஜோஷி என்பவர் “ வட இந்தியாவில் உள்ள ஐந்து மாநிலங்களில் இந்தி பதிப்பு பரவக் கூடிய வாய்ப்புள்ளதால் இப்புத்தகம் தடை செய்யப்பட வேண்டும் “ என குஜராத் உயர் நீதிமன்றத்தில் வழக்கு தொடுத்திருக்கிறார். வழக்கு நிலுவையில் உள்ளது.
● இப்புத்தகத்தின் மலையாள பதிப்பு “உண்டயில்லாத்த வெடி பொட்டிக்குந்ந ராஜாவு” என்ற தலைப்பிலும் , கன்னட பதிப்பு “மங்க்கு பூதிய ஸரதாரா” என்ற தலைப்பிலும் வெளிவர இருக்கின்றது. தெலுங்கு பதிப்பு இன்னும் பெயரிடப்படவில்லை.
●“பொய்-வேடங்களில் மன்னன் … இப்பொழுது தலைநகர் டெல்லியில் (பாகம் 2) …..!” வெளிவர இருக்கின்றது.
● மேலும் மூன்று மொழிகளில் வெளிவரும் தருணத்தில் ஏழு இந்திய மொழிகளில் இப்புத்தகம் தயாராக இருக்கும்.
● “BLUFF-MASTER NOW IN DELHI …! ஆங்கில பதிப்பை இந்தியாவிலும் , உலக அளவிலும் விற்பனை செய்வதற்கான உரிமையை சிலம்பு பதிப்பகம் பெற்றுள்ளது.
● சென்னையில் புத்தகம் கிடைக்கும் இடங்கள் : பாரதி புத்தகாலயம் , சிலம்பு பதிப்பகம் , டிஸ்கவரி ஃபுக் பேலஸ் , பனுவல் புத்தக நிலையம்
கோவை : விஜயா பதிப்பகம்
மதுரை : மல்லிகை புக் செண்டர்
திருச்சி : கார்முகில் புத்தக நிலையம்
திருப்பூர் : பின்னல் புத்தகாலயம்
பொள்ளாச்சி : எதிர் வெளியீடு
ஈரோடு : பாரதி புத்தகாலயம்
சேலம்: பாலம்

● தமிழ்பதிப்பு கிடைக்கும் வலைதளங்கள் : discoverybookpalace.com, http://www.nhm.in , http://www.silambubooks.com/web, wecanshopping.com, udumalai.com, panuval.com http://marinabooks.com/detailed?id=6946
● ஆங்கிலப் பதிப்பு கிடைக்கும் வலைதளங்கள் : amazaon.in, www.flipkart.com, www. snapdeal.com.

Advertisements

பிரிவுகள்:#புத்தகம்2017

Tagged as:

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s