இலக்கியம்

ஆயுத எழுத்து: புலிகள் இயக்கத்தில் சேர்ந்த ‘அவன்’களின் கதை!

சம்சுதீன் ஹீரா

சம்சுதீன் ஹீரா

எல்லாச் சிறுவர்களைப்போலவே ‘அவனும்’ சிங்கள இராணுவத்திற்கெதிரான இயக்கங்களின் சாகசங்களை பிரமிப்போடு கேட்டு வளர்கிறான். முந்தைய நாளில் ஏதோ ஒரு இயக்கத்தின் கண்ணிவெடித் தாக்குதலில் தகர்க்கப்பட்ட சிங்கள இராணுவ வாகனம் குறித்த செய்திகள் பரபரப்பாக பேசப்பட்டுக்கொண்டிருந்தன. இதுபோன்ற செய்திகளை உண்மையும் கற்பனையும் கலந்து விவரிக்கும் சிறந்த கதை சொல்லியான தனது நண்பனுக்காக காத்திருக்கிறான். பள்ளிச் சீருடையோடு எதிரே நண்பன் வருவதைப் பார்க்கிறான். திடீரென்று அந்தப்பகுதிக்குள் நுழைந்த இராணுவம் கண்மன் தெரியாமல் அனைவரையும் சுட்டுத் தள்ளிவிட்டு சென்று மறைகிறது.. உயிர் பிழைத்த சிலர் காயம் பட்டவர்களைத் தூக்கிக்கொண்டு ஓடுகிறார்கள். அப்பகுதியெங்கும் நிலவும் மரண ஓலத்தின் நடுவே அவனது நண்பனின் பிணமும் அமைதியாகக் கிடக்கிறது.. இப்படியாக இயக்கத்துக்குச் செல்லும் முடிவை எடுக்கிறான் ‘அவன்’..

‘அவன்’ என்பவன் ஒற்றை மனிதனல்ல. இது ஒற்றை நபரின் கதையுமல்ல. புலிகள் அமைப்பின் சர்வதேச வலையமைப்பின் ஒரு கன்னியாக பணியாற்றிய பலரின் அனுபவங்களை ‘அவன்’ மூலமாகச் சொல்லிச் சென்றிருக்கிறார் ஆசிரியர்.

‘அரசியலாக’ இதில் எதுவும் பேசப்படவில்லை என்றாலும் புலிகளின் வெளித்தொடர்புகள், அதன் பணிகள் குறித்த ஒரு பரந்துபட்ட அவசரப் பார்வையை இந்த நூல் கொடுத்திருக்கிறது.. இந்திய இராணுவம் நிகழ்த்திய கொடுமைகளை நேரடி சாட்சியங்களாய் விவரிக்கிறது இந்நூல்.

இயக்க ஆதரவாளரின் (நிதி ஆதரவாளர்கள்) சொந்தப் பிரச்சனைக்காக கொலைகள் செய்வது, உப்புசப்பில்லாத காரணங்களுக்காக பிற இயக்க நபர்களைக் கொன்றது, மற்ற இயக்கங்களை அழித்தொழித்தது, இஸ்லாமியர்களைக் கூண்டோடு வெளியேற்றியது போன்ற புலிகளின் பாசிச நடவடிக்கைகளை மேலோட்டமாகச் தொட்டுச்சென்றாலும் வாசகர்களுக்கு சரியான கண்ணோட்டத்தை வழங்கியிருக்கிறது.

புதிதாகத் திருமணமான ஒரு தளபதியின் காவலுக்கு அழைக்கப்படுகிறான் அவன். ‘அந்த தளபதிக்கு விளக்குப் பிடிக்க நான் இயக்கத்துக்கு வரவில்லை’ என்று மறுக்கிறான். இப்படி அவன் பேசியதை தளபதியின் புது மனைவி கேட்டு விடுகிறாள். அடுத்தநாளே அவனைக் கொலை செய்ய தளபதியிடமிருந்து கட்டளை வருகிறது. இதுபோன்ற தனிநபர் விரோதங்களுக்கும் கோபங்களுக்கும் கொலைகள் விழுந்துகொண்டே இருக்கின்றன.

5 வயதில் புலிகள் அமைப்புக்கு வருகிற இஸ்லாமிய சிறுவனை இயக்கத்தின் நிர்வாகி ஒருவர் வளர்த்தெடுக்கிறார். படிக்க வைக்கிறார். சில ஆண்டுகளில் புலிகள் இஸ்லாமிய வெறுப்பு நிலைப்பாடு எடுக்கின்றனர். இன்னொரு நிர்வாகி அந்த இஸ்லாமிய சிறுவனின் கையாலேயே குழியைத் தோண்டச்செய்து, அவனைச் சுட்டுக்கொன்று அதே குழிக்குள் தள்ளி மூடிவிடுகிறார். 11 வயதில் அவன் கொல்லப்பட அவன் இஸ்லாமியன் என்ற ஒரு காரணமே போதுமானதாக இருக்கிறது.

இயக்கத்துக்கான ஆயுதங்கள் மருந்துகள் போன்றவற்றை வெளிநாடுகளிலிருந்து கடத்திவரும் பணி ‘அவனுக்கு’. அவனது பல சாகசங்களை கதையின் போக்கில் சுவாரஸ்யமாக விவரிக்கிறார் ஆசிரியர். அந்தப் பணியைச் செய்கிற அவனுக்கு எங்கிருந்தோ பணம் வருகிறது. நட்சத்திர விடுதிகளில் தங்குகிறான். எப்போதும் குடிப்பது, விபச்சார அழகிகளுடன் சல்லாபிப்பது என ‘ராஜவாழ்க்கை’ வாழ்ந்துவரும் ‘அவன்’, புலிகளின் தோல்விக்குப் பிறகு எச்சில் பாத்திரங்கள் கழுவும் வேலை செய்து பிழைக்க வேண்டிய நிலை ஏற்படுகிறது..

இன்னும் சொல்லப்பட ஏராளம் இருக்கிறது. அனைவரும் கட்டாயம் வாசிக்க வேண்டிய முக்கியமான படைப்பு இது…

ஒரு ஹாலிவுட் திரைப்படத்தைப் போல, கதைக்களத்தினுள் நம்மை விறுவிறுவென்று இழுத்துச்செல்லும் இந்நூலை வாசிக்கும் வாய்ப்பைக் கொடுத்த தோழர் Mohammed Sirajudeen அவர்களுக்கு நன்றிகளும் அன்பும்…

#ஆயுத_எழுத்து..
திலீபன் பதிப்பகம்,
#சாத்திரி..

சம்சுதீன் ஹீரா, எழுத்தாளர். கோவை கலவரத்தை பின்னணியாகக் கொண்ட ‘மௌனத்தின் சாட்சியங்கள்’ நாவலின் ஆசிரியர்.

Advertisements

1 reply »

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s