இடதுசாரிகள்

அஞ்சலி: நக்சல்பாரி மூத்த தலைவர் கோவை ஈஸ்வரன்

கி. நடராசன்:

விழுதுகள் பரப்பி தழைத்த பெரும் ஆலமரம் இன்று தனது சுவாசத்தை நிறுத்தி கொண்டது. 1960-65 இந்தி ஆதிக்க எதிர்ப்பு போராட்டம், தமிழ் தேச விடுதலை, மார்க்சிஸ்ட் கட்சி, நக்சல்பாரி பேரியக்கம், தியாகு போன்ற தோழர்களை மரண தண்டனையில் இருந்து விடுவிக்க போராடிய மனித உரிமை போராளி, மனிதன் – செந்தாரகை இதழ்கள் ஆசிரியர், தீக்கதிர் ஆசிரியர் குழு, அறிவார்ந்த எழுச்சி பேருரை பேச்சாளர்.. மிக சிறந்த மொழி பெயர்ப்பாளர்.. இப்படி ஆலமரமாய் பரந்த விரிந்த தோழர் கோவை ஈஸ்வரன் இன்று காலமானார்.

பாரதிநாதன்:

தோழர் கோவை ஈஸ்வரன் அவர்கள் காலமானார். கடந்த சில நாட்களாய் உடல் நலம் பாதிக்கப்பட்டிருந்த அவர் மருத்துவமனையில் உயிரிழந்தார். தமிழகத்தின் மூத்த நக்சல்பாரி தோழரின் இழப்பு ஈடு செய்ய முடியாதவொன்று. அந்த கம்பீரமான மேடை பேச்சு நின்று விட்டது. சிந்திப்பதை நிறுத்தி கொண்ட தோழர் இயற்கையுடன் ஐக்கியமானார். 

சற்றேத்தாழ முப்பது வருடங்களுக்கு முன், எங்களது ஊரான ஜலகண்டாபுரத்தில் ஒரு பொதுக்கூட்டம். தமிழகத்தில், முதன் முதலில், குண்டர்கள் தடுப்புச் சட்டத்தில் கைது செய்யப்பட்ட தொழிற்சங்க தலைவர்களான தோழர்கள் அர்த்தநாரீஸ்வரன் மற்றும் வி.ஆர் மணியின் மீதான கறுப்புச் சட்டத்தை எதிர்த்து தான் அந்த பொதுக்கூட்டம் ஏற்பாடு செய்யப்பட்டிருந்தது. அதில், கலந்துக் கொள்ள மூத்த நக்சல்பாரி தோழரான ஈஸ்வரன் வருகிறார் என எனக்கு சொல்லப்பட்டது. அதுவரை அவரை நான் பார்த்தது இல்லை. தோழர் இன்னும் வந்து சேராத நிலையில் நான் மேடையேறி பேசிக் கொண்டிருந்தேன். சற்று நேரத்துக்குப் பிறகு, தோழர் பொதுக்கூட்டத்தில் பங்கேற்க வந்து விட்டார் என சொல்லப்பட்டது. நான் மூத்த தோழருக்கு வழி விட்டு என் பேச்சை முடித்துக் கொள்ள முயன்றேன். ஆனால், தோழர் ஈஸ்வரன் என்னை முடிக்க விடாமல் தொடர்ந்து பேசுமாறு கை ஜாடை செய்தார். பேச்சை முடித்து கீழிறங்கியதும் என்னிடம் கை கொடுத்து நன்றாக பேசினீர்கள் என கரகரத்த குரலில் கூறினார். அதுதான் முதல் சந்திப்பு. அதன் பிறகு, தமிழகம் முழுவதும் நடந்த பல நக்சல்பாரி மேடைகளில் அவருடன் பேசியிருக்கிறேன். மேடைப் பேச்சில் அவர் தான் எனக்கு ஆசான். போய் வாருங்கள் தோழர் உங்கள் குரல் சாகும் வரையில் என் காதுகளில் எதிரொலித்துக் கொண்டே இருக்கும். செவ்வணக்கம்.

சந்திரமோகன்:

மூத்த கம்யூனிஸ்ட் தலைவரும், தமிழ்நாடு நக்சல்பாரி இயக்கத்தின் நிறுவனர்களில் ஒருவரும், இந்திய கம்யூனிஸ்ட் கட்சி (மார்க்சிஸ்ட் -லெனினிஸ்ட்) வர்க்கப் போராட்டத்தின் மாநில செயலாளருமான தோழர். கோவை ஈஸ்வரன் மறைந்தார்.

கடந்த ஆண்டில் மறைந்த CPML மக்கள் விடுதலை மூத்த தலைவர் தோழர்.அண்ணாதுரை மற்றும் CPIML-Liberation கட்சி மூத்த தலைவரும், த.நா. நக்சல்பாரி இயக்க நிறுவனத் தலைவர்களில் ஒருவருமான பி.வி.சீனிவாசன் நினைவஞ்சலி கூட்டங்களில், கணீரென்ற குரலில், மாறாத புரட்சிகர உணர்வுடன் அவர் ஆற்றிய எழுச்சிகரமான உரை நினைவிலாடுகிறது.

செவ்வஞ்சலி!

மதிவாணன்:

சிதைந்து போன கனவுகளை மீட்டெடுத்தவர்

தோழர் கோவை ஈஸ்வரன் காலமானார். தமிழ் உணர்வில் துவங்கி தொழிலாளர் போராட்டத்தில் இறங்கி, நக்சல்பாரி இயக்கத்திற்கு தமிழ்நாட்டில் விதையிட்டவர்.. அதேசமயம், இடது ஒற்றுமைக்காக அந்தக் காலத்திலும் பணியாற்றியவர்.

வறுமை விரட்டியபோதும், நோய் தாக்கியபோதும், தனக்குச் சரியென்று பட்டதற்காகப் போராடியவர்…

மனிதநேயம்தான் கம்யூனிசம் என்று வாழ்ந்த காட்டியவர்…

எமது கட்சியை தமிழ்நாட்டில் நிலைநாட்டிய தோழர் பி.வி சீனிவாசனின் உறவினர். இருந்தாலும் கருத்துவேறுபாட்டால் பிரிந்து தோழமையால் இணைந்தவர்.

அவருக்குச் செய்யும் பெரிய அஞ்சலி எது? அவரைப் போல வாழ்வதுதான்.

ஜமாலன்:

தோழர் கோவை ஈஸவரன் மரணம் என்ற செய்தியை தோழர் பாரதிநாதன் பதிவில் பார்த்தேன். தமிழக இடதுசாரி இயக்க வரலாற்றில் முக்கியமானவரான தோழர் ஈஸவரன் இறுதிவரை தனது வாழ்வை இயக்கத்திற்கும் அதன் அரசியலுக்கும் அர்ப்பணித்துக் கொண்டவர். பலமுறை கல்லூரிக்காலங்களில் அவரைச் சந்தித்து அவரொடு பல மேடைகளில் பேசிய அனுபவம் உண்டு. மிகச்சிறந்த பேச்சாளர், சிறந்த உரையாடலாளர், நுட்பமான அரசியல் உணர்வு கொண்டவர். சிறந்த போராட்டக்காரர். பலமுறை சிறை செள்றவர். அவரது இழப்பு ஈடுசெய்யமுடியாதது. அவருக்கு செவ்வஞ்சலி.

தோழர் கோவை ஈஸ்வரன் உழைப்பதை நிறுதிக்கொண்டார்….

யமுனா ராஜேந்திரன்:

ஓவ்வொருவரும் நம்மை ஏதோ ஒரு வகையில் பாதிக்கிறார்கள். வாழ்வில் எங்கோ ஏதோ ஒரு தருணத்தில் சந்தித்துப் பிரிகிறோம். இன்குலாப், கோவை ஈஸ்வரன் போன்றோர் கிளாசிகல் மார்க்சிஸ்ட்டுகள். ஓன்ஸ் எ மார்க்சிஸ்ட் ஆல்வேஸ் எ மார்க்சிஸ்ட் என இவர்களை வைத்துத்தான் பேச முடியும். கோவை ஈஸ்வரனது ஆசிரியத்துவத்தில் வெளியான ‘மனிதன்’ இதழில் எனது பல மொழிபெயர்ப்புக் கவிதைகள் வெளியாகின. அவருக்கு அஞ்சலி. முன்செல்க தோழரே, சந்திப்போம்..

மாதவ் கட்டா:

அவர் பேசும் நிலையில், கடைசியாக அவரை சந்தித்தபோது Historical and Polemical Documents of the Communist Movement of India எனும் 1400 பக்கங்களுக்கு மேலான இந்திய கம்யூனிஸ்ட் இயக்க ஆவண தொகுப்புகளை மொழிபெயர்த்துக்கொண்டிருப்பதாக கூறினார்….

செவ்வணக்கம் தோழர்….

நக்சல்பாரி புரட்சியாளரும், மாெழிப்பாேர் தியாகியும், இந்திய கம்யூனிஸ்ட் கட்சி (மார்க்சிஸ்ட்- லெனினிஸ்ட்) இயக்கத்தின் மையக்குழு உறுப்பினரும், தமிழ்நாடு மாநிலச் செயலாளருமான தாேழர்.காேவைஈஸ்வரன் நேற்று இரவு 7.30 மணியளவில் மாரடைப்பால் இயற்கை எய்தினார். தாேழருக்கான இரங்கல் கூட்டம் மதியம் 2.00 முதல் 3.00 மணிவரை நடைபெறும். தாேழரின் இறுதி ஊர்வலம் மாலை 4.00 மணிக்கு தாேழரின் இல்லத்திலிருந்து புறப்படும்.

இவண்…
மா.குணாளன், மாநிலக்குழு உறுப்பினர் இ.க.க.(மாலெ) தமிழ்நாடு
02-7-2017.சென்னை நந்தனம் சிஐடிநகர்.

 

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s