#புத்தகம்2017

நூல் அறிமுகம்: ‘பொடம்கின் கப்பலும் போக்கிரித் திருடனும்’

சம்சுதீன் ஹீரா

சம்சுதீன் ஹீரா

இரண்டு மணிநேர ஓய்வு கிடைத்தால் என்ன செய்வீர்கள்..? ஒரு புத்தகம் படிக்கலாம், இசை கேட்கலாம், அல்லது ஒரு திரைப்படம் பார்க்கலாம் என்று நினைப்பீர்கள். ஆனால் இரண்டு மணிநேரத்தில் உலகின் மிகச் சிறந்த 26 திரைப்படங்களைப் பார்க்கும் வாய்ப்புக் கிடைத்தால் என்ன செய்வீர்கள்..?

இரண்டு மணிநேரத்தில் 26 படங்களா..? முடியுமா என்றுதானே கேட்கிறீர்கள். முடியுமென்றே சொல்கிறது தோழர் கருப்பு கருணா எழுதிய பொடம்கின் கப்பலும் போக்கிரித் திருடனும் என்கிற புத்தகம்.

இது வெறுமனே திரைப்படங்கள் குறித்த விமர்சன நூலல்ல. உலகின் சிறந்த திரைப்படங்கள் குறித்த அறிமுகத்தை அதன் உள்ளார்ந்த சுவையோடு தெவிட்டத்தெவிட்ட ஊட்டுகிற புத்தகம். நான் உங்களுக்கு ஒரு உறுதியைத் தரமுடியும். நீங்கள் இந்தப் புத்தகத்தை வாசித்து முடிக்கும்போது அந்த 26 உலகப் படங்களையும் பார்த்து முடித்த நிறைவை உணர்வீர்கள் என்பதே அது.

அதோடு அந்தத் திரைப்படங்கள் சொல்கிற அரசியலை, மனித மாண்பை, போர்களின் கொடூரத்தை, வரலாற்றின் கருப்புப் பக்கங்களை, அதை எதிர்கொண்ட எளிய மனிதர்களின் வாழ்க்கையை, அதில் உள்ளார்ந்து பொதிந்துள்ள வலியை, போராட்ட உணர்வை திரைப்படத்தின் அதே அழகியலோடு எழுத்து வடிவில் தொகுத்துக் கொடுத்திருப்பதே இந்நூலின் சிறப்பு.

கருணா தோழரின் உரையாடல் மொழி போலவே எழுத்து மொழியிலும் அவரது வழக்கமான நக்கலும் நையாண்டியும் கொட்டிக் கிடக்கிறது. கொஞ்சமும் சலிப்பூட்டாத, விறுவிறுப்பான காட்சிகளாகக் கண்முன் விரியும் வெகு எளிமையான நடை.

Battleship Potemkin, the pianist, caterpillar, life is beautiful, bicycle thieves, the day i become a women, the cyclist, LA strada போன்ற திரைப்படங்களை அறிமுகப்படுத்திய விதம், புத்தகத்தின் தாள்களே நம் முன் திரையாய் விரிந்து நின்று விட்டதைப்போல உணர வைத்திருப்பதே இந்நூலின் வெற்றி.
சினிமாவின் வழியே உலகப் போர்களின் காலத்திய சூழலை ஒரு அவசரப் பார்வை பார்க்கும் வாய்ப்பை இந்தப் புத்தகம் நமக்கு கொடுக்கிறது…

திரைப்படம் எனும் கலைப்படைப்பின் வழியே வரலாற்றையும், வரலாற்று வழிப்பட்ட மக்களின் துயரார்ந்த வாழ்க்கையையும், போர்களின் மூலம், இனவழிப்பின் மூலம் மனிதகுலம் சந்தித்த பேரழிவுகளையும், சின்னச் சின்ன நம்பிக்கைகளையும், மனித உறவுகளின் ஆழத்தையும், வெவ்வேறு பரினாமங்களில் சொல்லிச்செல்லும் உலகின் மிகச்சிறந்த 26 திரைப்படங்களை தோழர் கருணாவின் எழுத்துகளின் வழியே அதே அழகியலோடு தரிசிக்க முடிகிறது.
அவ்வளவு நெருக்கமாக நுனுக்கமாக அந்த அற்புத அனுபவங்களை நமக்கு வழங்கிய ஆசிரியருக்கு நன்றிகளும் பாராட்டுகளும்.

புதியகோணம் பதிப்பகம்,
பாரதி புத்தகாலயம்,
₹120 ரூபாய்,
ஆசிரியர். எஸ். கருணா

சம்சுதீன் ஹீரா, கோவை கலவரத்தை அடிப்படையாக வைத்து எழுதப்பட்ட ‘மௌனத்தின் சாட்சியங்கள்’ நாவலின் ஆசிரியர்.

 

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s