இலக்கியம்

”கலையையும் விளையாட்டையும் ஒன்றிணைக்கும் புள்ளி வாசிப்பு” ’பல்லாங்குழி’ இனியன் பேட்டி

வாசிப்பு பழக்கம் அருகி வரும் காலமிது. பெரும்பாலான நேரத்தை நவீன பொழுதுபோக்கு சாதனங்கள் எடுத்துக்கொண்ட நிலையில் புத்தக வாசிப்பு என்பதே பலருக்கு புதிதான விஷயமாக இருக்கிறந்து. வாசிப்பின் மூலம் புதிய புதிய திறப்புகளை அறிந்துகொள்ள வேண்டிய குழந்தைகளோ மதிப்பெண்களை நோக்கி ஓடிக்கொண்டிருக்கிறார்கள். புத்தகங்கள் தூசி படர்ந்த நூலக அலமாறிகளில் தூங்கிக்கொண்டிருக்கின்றன. புத்தகங்களை தூசி தட்டி, அவற்றில் இருக்கும் உலகங்களை திறந்து பார்க்க வைக்கும் பணியை சிலர் அவ்வவ்போது செய்துகொண்டு இருக்கிறார்கள். பல்லாங்குழி அமைப்பைச் சேர்ந்த இனியன், அத்தகையதொரு முயற்சியை தொடங்கிவைத்திருக்கிறார். அது என்ன? 

“நூல்விமர்சன அரங்கு, தமிழுக்கு புதிதில்லைதான்..ஆனால் குழந்தைகளுக்காக எழுதப்பட்ட நூல்கள் குறித்து, குழந்தைகளே ஒரு அறிமுக உரையாற்றுவது தமிழுக்கு புதிது. இது எவ்வளவு முக்கியமானது என்பது இப்போது நமக்கு புரியாது. ஆபத்தான கட்டங்களை நோக்கி குழந்தைகள் வளர்ந்துகொண்டிருக்கும் இந்த மண்ணில் எல்லா துவேசத்தையும் இந்தப்பிஞ்சுகள் தன் படையணிகளால் சாய்த்துவிடும் காலத்தை கடக்கும் போது அது புரியக்கூடும்.

நூல்களை படிக்கத்தொடங்கும்போதும். படித்தபின்னும் குழந்தைகளிடம் பல மாற்றங்களை உணர்வதாக பேசப்போகும் குழந்தைகளின் பெற்றோர்கள் தனிப்பட்டமுறையில் சொல்கிறார்கள்.” என எழுத்தாளரும் கள செயல்பாட்டாளருமான ஒடியன் லட்சுமணன் தன்னுடைய முகநூலில் எழுதியிருக்கிறார்.  உணர்ந்து எழுதிய வார்த்தைகள் இவை. மேலதிக விவரங்களை தெரியப்படுத்த இந்நிகழ்வின் ஒருங்கிணைப்பாளர் இனியனுடன் த டைம்ஸ் தமிழ் பேசியது…

இனியன்

“இந்நிகழ்வு குறித்து நீண்ட நாட்களாகவே சிந்தித்துக்கொண்டிருந்தேன். ஜெர்மனி நண்பர்களின் உரையாடலுக்குப் பிறகு அதைச் செய்தே ஆகவேண்டும் என்கிற தீர்மானமான முடிவுக்கு வந்தேன். மனிதருடைய வாழ்க்கையில் கலை பிரதானமான ஒன்று. ஏதோ ஒரு வடிவத்தில் அது மனிதருள் இருந்துகொண்டே இருக்கும். எளிய மனிதர்கள், எலைட் மனிதர்கள் என அனைத்து வர்க்கத்தை சேர்ந்தவர்களிடமும் கலை இயல்பாகவே இருக்கக்கூடியது. கலைக்கான இயல்பை விளையாட்டுகள் பல வடிவங்களில் தருகின்றன. விளையாட்டுகள் குறையக் குறைய கலைத்தன்மையும் குறைகிறது. இந்தப் புள்ளிகளை இணைக்க புள்ளிதான் வாசிப்பு!

வாசிப்பை முதல்கட்டமாக செயல்படுத்துவதன் மூலம் எந்த அளவுக்கு கலையை பரவச் செய்யமுடியுமோ அதைச் செய்ய வேண்டும் முடியும் என நினைக்கிறேன். இங்கே டிவியில் பாட்டுப்பாடிவிட்டால் அது ஒரு கலையாகிவிடுகிறது.  நடன நிகழ்ச்சியில் பங்கேற்றால் அதுவொரு கலை வெளிப்பாடாகிறது. இது மாயை.  எல்லா மனிதர்களும் தன்மை ஆசுவாசப்படுத்திக்கொள்ள ஏதோ ஒரு கலைவடிவம் தேவைப்படுகிறது. ஒரு குழந்தை பாட்டுபாடினால் அதை அங்கீகரிக்கும் சமூகம், அதே குழந்தை மவுத் ஆர்கன் வாசித்தால் அங்கீகரிப்பதில்லை. அந்தக் கலையில் உயர்வுக்கு வந்தால் மட்டுமே கலையை கொண்டாடுகிறார்கள்.  வாசிப்பையும் விளையாட்டையும் ஒன்றிணைப்பதன் மூலமாக கலையை கொண்டுவர முடியுமா என்கிற ஒரு பரிட்சார்த்த முயற்சிதான் இது! வெகுதூர பயணம் இது.  எல்லா தரப்பு குழந்தைகளையும் இந்த வாசிப்பில் உட்படுத்த வேண்டும். அனைத்து மாவட்டங்களில் இதுபோன்ற நிகழ்வுகளை நடத்த வேண்டும்” என்கிற இனியன், ‘பல்லாங்குழி’ என்ற அமைப்பின் மூலம் மரபு விளையாட்டுக்களை ஆவணப்படுத்திவருகிறார். பள்ளிக்குழந்தைகளிடையே மரபு விளையாட்டுக்கள் நிகழ்த்திவருகிறார்.

“மரபுசார்ந்த விளையாட்டுக்கள் குறித்து ஏராளமான நூல்கள் வந்திருக்கின்றன. ஆனால் அவையெல்லாம் நடைமுறைப்படுத்தப்பட்டதா எனத் தெரியவில்லை. மரபுசார்ந்த விளையாட்டுக்களை ஆவணப்படுத்தி வருகிறேன். அவற்றை குழந்தைகளிடம் நிகழ்த்தி அவர்களின் அதை எப்படி உள்வாங்கிக் கொள்கிறார்கள், வெளிப்படுத்துகிறார்கள், அதன் பின்னால் இருக்கும் அரசியல் என்ன என்பதையும் சேர்த்து ஆவணப்படுத்த விரும்புகிறேன். இப்போதைக்கு பயணங்கள்தாம் என்னுடைய தேர்வு. ஓய்ந்து அமரும் காலத்தில் ஆவணங்களை நூலாக்குவேன்” என்று தன்னுடைய ‘பல்லாங்குழி’ பயணம் குறித்து பகிர்ந்து கொள்கிறார்.

This slideshow requires JavaScript.

கணினி துறையில் பட்டயப் படிப்பு முடித்திருக்கும் இனியன், 2014-ஆம் ஆண்டிருந்து மரபு விளையாட்டுக்களைத் தேடி பயணித்துக்கொண்டிருக்கிறார்.

“வாழ்க்கையில் ஏற்பட்ட கசப்புகள், மருத்துவமனை வாழ்க்கை..இப்படிப்பட்ட பயணம் தொடங்க காரணமாக இருந்தது. இந்த பயணத்துக்கான சிந்தனையை உண்டாக்கியது எட்டு வயதிலிருந்து எனக்கிருந்த வாசிப்பு பழக்கம்தான். விளையாட்டு, வாசிப்பு, கலை ஆகிய மூன்றையும் ஒன்றோடு ஒன்று கலந்து தரவேண்டும் என்பதே என் விருப்பம். ஈடுபாட்டோடு செய்தால் கலைக்கான அங்கீகாரம் கிடைத்துவிடும். பெற்றோருக்கும் மற்றவர்களிடம் இதை உணரச்செய்வதையும் ஒரு பணியாகப் பார்க்கிறேன்” நிறுத்துகிற இனியன், நண்பர்களின் உதவியால் இந்தப் பயணங்கள் சாத்தியமாகின்றன என்கிறார். பள்ளிகளில் நிகழ்வுக்கு அழைக்கிறவர்கள் பணம் அளித்தால் வாங்கிக்கொள்வேன், இல்லையென்றாலும் கேட்கமாட்டேன் என்கிறார்.

இந்நிகழ்வில் 20 குழந்தைகள் 20 நூல்களை அறிமுகம் செய்துவைக்கிறார்கள். சரி, நூல் அறிமுக நிகழ்வுக்காக குழந்தைகளை எந்த அளவுக்குத் தயாராகியிருக்கிறார்கள்?

“உண்மையைச் சொன்னால், நாங்கள் அவர்களை தயாரிக்கவில்லை, அவர்களாகவே தயாராகியிருக்கிறார்கள். நூல் அறிமுகம் செய்யும் 20 பேரில் நான்கு பேர் மேடையை, கூட்டத்தைப் பார்த்து பயப்படக்கூடும். என்னுடன் இரண்டு, மூன்று நண்பர்கள் சேர்ந்து மேடை பயத்தைப் போக்க சில பயிற்சிகளை தந்தோம். மற்றபடி நூல்களை தேர்ந்தெடுத்தது, வாசிக்க முன்வந்தது அனைத்தும் அவர்கள் முடிவெடுத்ததே!

குழந்தைகள் எல்லாவற்றுக்கும் தயாராக இருக்கிறார்கள். அவர்களுக்குத் தேவை இலகுவாக அணுகக்கூடிய தளம்தான். நூல் அறிமுகத்தில் பங்கேற்கும் குழந்தைகளைப் பார்த்து பார்வையாளராக அமர்ந்திருக்கும் குழந்தைகள் ‘நானும் வாசிக்க விரும்புகிறேன்’ என்கிறார்கள். இதைத்தான் எதிர்ப்பார்க்கிறேன்.” என்கிறார் நம்பிக்கையோடு!

நம்பிக்கையோடு அடுத்த தலைமுறையை அணுகும் இனியன் போன்றவர்களை ஆதரிப்பது பொதுசமூகத்தின் கடமை. இப்போதைய தேவையும்கூட!

இனியனின் முகநூல் பக்கம்

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s