சமூகம் சாதி அரசியல் தலித் ஆவணம்

சீமானின் சாதிய முகம்!

சீமான் பல்லக்கு முறை கார் வந்ததால் மாறிவிட்டதாக சொல்கிறார். அடடே என்ன ஒரு கண்டுபிடிப்பு?

கண்ணன் ராமசாமி

கண்ணன் ராமசாமி

சீமான் vs ரஞ்சித் விடியோக்களை ஒன்று விடாமல் நேற்று பார்த்துக் கொண்டிருந்தேன். ஒன்று தெளிவாக தெரிகிறது. சீமான் எல்லோருக்கும் அண்ணன் என்கிற மனோபாவத்தில் அனைவரையும் ஒருமையில் பேசிவருதற்கும் அவருடைய கருத்தியலுக்கும் தெளிவான தொடர்புள்ளது.

சில நாட்கள் முன்பு நான் இட்ட பதிவொன்றில் வர்ணம் மற்றும் மனுநீதி இந்திய அரசியல் அமைப்பு சட்டம் வரை (இந்துலா) பரவி இருப்பதையும், சமூகத்தில் நமக்கு காணக் கிடைக்கின்ற எடுத்துக்காட்டுகள் மூலமாக எவ்வாறு மனுநீதியின் பல அம்சங்கள் இன்னும் வழமையில் உண்டென ஆதாரத்துடன் வாதிட்டேன். அதில் குறிப்பிட்டுள்ள ஒன்றைக் கூட ஆதாரத்துடன் மறுக்க முடியாமல் இது என் கருத்து; கிடையேவே கிடையாது என்று வாதிட்டுக் கொண்டிருந்த ஒருவர் தன் சாதி அடையாளைத்தை விடமாட்டேன் என்றும், அதே நேரம் ஒடுக்கப்பட்டவர்கள் தங்கள் உரிமைகளை பெறுவதற்காக கையிலெடுக்கும் தலித்திய அரசியல் சாதியை தூக்கிப் பிடிக்கும் அரசியல் என்றும் வாதிட்டுக் கொண்டிருந்தார் (நகை முரண்). அவரிடம் வர்க்க வேறுபாட்டை ஒழிக்க மேம்போக்கான ஒரு திட்டம் உள்ளது. அது தான் பொருளாதார ஏற்றமடைந்தால் சாதி ஒழிந்துவிடும் என்பது. ஆச்சரியமே இல்லாமல் சீமானும் அதையே சொல்கிறார்.

(தலைவர்கள் பொதுமக்கள் என்றில்லாமல் ஒத்த சிந்தனை உள்ள மேட்டுக்குடி போக்கை முன்வைக்கவே என் நட்பு வட்டத்தில் உள்ள அவரை எடுத்துக்காட்டுகிறேன். இதை அவருக்கு எதிரான தனிப்பட்ட ரீதியிலான தாக்குதலாக அவர் எண்ண வேண்டாம் என கேட்டுக் கொள்கிறேன்.) சீமான் பல்லக்கு முறை கார் வந்ததால் மாறிவிட்டதாக சொல்கிறார். அடடே என்ன ஒரு கண்டுபிடிப்பு? அப்படியானால் சவுக்கார்பேட்டை சேட்டு வீட்டில் கொண்டித்தோப்பு மிதிவண்டி ரிக்ஷாக்காரர் சம்மந்தியாக உட்கார்ந்து பீடா சாப்பிட்டுக் கொண்டிருந்திருப்பாரே! பல்லக்கு முறை ஒழியவில்லை. பொருளாதார மாற்றத்தால் வேறு வடிவம் பெற்றிருக்கிறது. இது போல பல சாதிய வழக்கங்களை பற்றி சொல்ல முடியும்.

தலித் என்கிற வார்த்தைக்குக் கூட சாதிய அண்ணன்களுக்கு பொருள் தெரியுமா எனத் தெரியவில்லை. இந்த லட்சணத்தில் தாம்பராம் பக்கத்தில் தலித்துகளின் தவறை சுட்டிக்காட்டி திருத்தப்பார்க்கிறோம் முடியவில்லை என்று வேறு ஆசிரியர் தோரணை காட்டிக் கொள்கிறார்கள் பிராமண நண்பர்கள். சீமானும் ரஞ்சித் சின்ன பையன் விரக்தியில் பேசுகிறான். அவன் தான் சுய பரிசோதனை செய்ய வேண்டும் என்கிறார். இரண்டுக்கும் வித்யாசமில்லை. தலித் என்பது ஓர் சாதிச் சொல் அல்ல. பறையன், சக்கிலியன், என்று மேட்டுக் குடியினர் தாழ்த்தப்பட்டவர்களை கேவலமாக விளிப்பதற்கு எதிராக கிளம்பிய கருத்தியல் கோட்பாட்டின் அடையாளமே தலித் என்கிற சொல். இப்போது யாரும் அப்படி விளிப்பதில்லை எனலாம்.

போன மாதம் கூட நான் ஆதி திராவிடரை சேர்ந்த ஒருவரை இடைநிலை சாதியை சேர்ந்த ஒருவர் குப்பக்காரவங்க என்று அழைத்ததை கண்ணால் பார்த்தேன். தலித்தியம் தற்போது தனக்கான இலக்கியத்தை உருவாக்கிக் கொண்டிருக்கிறது. முழுமையான அரசியல் இயக்கமாக உருமாறி இருக்கிறது. இது தான் அண்ணன்களுக்கு பிரச்சனை. பிராமணர்கள் சங்கம் வைத்து முன்னேறுவதற்கு எதிர் திசையிலும், தமிழ் தேசியத்தை இரண்டாம் பட்சமாகவும் கருதும் தலித்தியத்தை கண்டு இவர்கள் அஞ்சுவதை கண்கூடாகப் பார்க்க முடிகிறது.

கண்ணன் ராமசாமி எழுத்தாளர். சமீபத்தில் வெளியான இவருடைய நாவல் ‘ஒரு காதல் கதையின் நான்காம் முடிவு’.

Advertisements

One comment

  1. சரிங்க. ஆனா ரஞ்சித் இந்த சூழ்நிலைக்கு காரணம் தமிழ்தேசியம்னு எப்டி சொல்கிறார். இத்துனை வருடங்களா ஆட்சியி இருப்பது யார்? ஏன் திராவிடத்தை கேள்வி கேட்க வில்லை. திராவிடம் தலித்களின் உரிமைகளுக்கு போராடியதென்றால் ஏன் விசிக உறுவானது?

    Like

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google+ photo

You are commenting using your Google+ account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

w

Connecting to %s