கருத்து

2 ஆண்டுகளில் 517 மான்களை கொன்றுகுவித்த சென்னை ஐஐடி!

அ. முத்துகிருஷ்ணன்

இந்தியாவில் உள்ள தகுதி படைத்தவர்கள், அதாவது உங்க-எங்க தகுதி இல்லை உலகத்துடன் போட்டி போடும் வானுயர தகுதி. இந்தியாவை வல்லரசாக்கத் துடிக்கும் தகுதி படைத்தவர்கள் குழுமியிருக்கும் (இது வெறும் கற்பிதம் தான்) வளாகம் தான் சென்னை ஐஐடி. இந்தியாவின் உயர் கல்வி நிறுவனங்கள் எங்கும் தலித்துகள் எப்படி நடத்தப்படுகிறார்கள் என்பது குறித்து கடந்த இரண்டு ஆண்டுகளாக பல விஷயங்கள் அம்பலமாகி வரும் நிலையில், சென்னை ஐஐடியில் இந்த தகுதி படைத்தவர்கள் லட்சணம் எப்படி உள்ளது என்பதை பசுமைத் தீர்ப்பாயம் தோலுரித்துக் காட்டியுள்ளது.

சென்னை ஐஐடி வளாகத்தில் வாகனங்கள் அதிகளவில் இருப்பதால் அந்த வாகனத்தில் சிக்கி மான்கள் காயமடைகின்றன. தகவல் அறியும் உரிமைச் சட்டத்தின் மூலம் இந்த மிருக இறப்புகள் குறித்த தகவல்கள் பெறப்பட்டு அவை மத்திய பசுமைத் தீர்ப்பாயத்திற்கு அனுப்பப்பட்டது. 2014 முதல் 2016ம் ஆண்டு வரை 220 மான்களும், எட்டு கலைமான்களும் இறந்துள்ளதாகத் தெரிவிக்கப்பட்டுள்ளது. ஆனால் உண்மையில் 517 விலங்குகள் அங்கு இறந்துள்ளன என்கிற தகவல்கள் வெளியாகியுள்ளது. மத்திய அரசின் விலங்குகள் நல வாரியமும் இதனைப் பற்றி விரிவாக விசாரித்து வருகிறது.

சென்னை ஐஐடி வளாகத்தில் 1,300 குடும்பங்கள், 8,500 மாணவர்கள் வசிக்கின்றனர். இவர்கள் இந்த வளாகத்தில் கொட்டும் குப்பைகள், இவர்கள் கொண்டாடும் திருவிழாக்களின் குப்பைகள் எல்லாம் அந்த வளாகம் எங்கும் குவிந்து கிடப்பதை அங்கு செல்லும் யாரும் பார்க்கலாம். இதை விட இங்குள்ள குடும்பங்கள் தங்கள் வீடுகளில் மிச்சமான உணவை அவர் அவர் வீட்டுக்கு அருகில் கொட்டுவதும் அதை இங்குள்ள அரிய வன விலங்குகளான புள்ளி மான்கள், வெளிமான்களும் வந்து உண்ணுவது வாடிக்கை. இதற்கு எதிராக பத்து ஆண்டுகளாக பல விலங்கு நல ஆர்வலர்கள் மிருகங்களுக்கு இப்படி வேகவைக்கப்பட்ட, மசாலா, எண்ணை சேர்த்த உணவை வழங்கக்கூடாது, இந்த மிருகங்களின் ஜீரண அமைப்பு இந்த உணவுகளைச் செரிக்க லாயக்கற்றது என செய்து வந்த பிரச்சாரத்திற்கு எந்த பலனும் கிட்டவில்லை. இந்த உணவை உண்பதாலேயே ஏராளமான வனவிலங்குகள் அதன் ஆயுட்காலத்தை விட குறைவான காலத்தில் இறக்க நேர்கிறது என்கிறார்கள் விலங்கு நல ஆர்வலர்கள்.

இத்தனை உயிரினங்கள் இறந்தபின்னும் எந்த வித நடைமுறை மாற்றங்களும் இந்த வளாகத்தில் கொண்டு வரப்படவில்லை. இது தான் இந்தியாவில் உயர் தகுதி படைத்தவர்கள் மிருகங்களை வதை செய்யும் கதை. ஒரு மானை சுட்டுக்கொன்ற காரணத்தால் பலர் நீதிமன்றத்திற்கும் சிறைக்கும் அலைந்த சம்பவங்கள் ஏராளம், ஆனால் 517 மிருகங்களைக் குறுகிய காலத்தில் கொன்று குவித்து எந்த குற்றவுணர்வும் இல்லாமல் ஒரு நிர்வாகம் தலை நிமிர்த்தி நமக்கு வழிகாட்டத் தயாராக இருக்கிறது.

அ. முத்துகிருஷ்ணன், எழுத்தாளர்; சமூக செயல்பாட்டாளர்.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s