கருத்து

இந்தியா மட்டும்தான் தமிழர்களுக்கு துரோகம் செய்கிறதா?

இப்போது நம்முடைய முதன்மையான கோரிக்கை முழக்கமெல்லாம், தமிழக உரிமைகளை பாதுகாக்க முடியாத அதிமுக அரசே பதவிவிலகு என்பதாகதான் இருக்கவேண்டும்.

பிரபாகரன் அழகர்சாமி

இந்தியா மீது நமக்கு இருக்கும் கோபம் நியாயமானதுதான். ஆனால் காவிரி பிரச்சனையில், மோடி தலைமையிலான இந்திய ஒன்றிய அரசு மட்டும்தான் நம்மை ஏமாற்றியதா? பாஜக அரசை மட்டுமே எதிரியாக சித்தரிப்பது பிரச்சனையை திசைத்திருப்புவதற்குதான் பயன்படும். தமிழ்நாட்டில் பாஜகவிற்கு சொல்லிக்கொள்ளும்படியான எந்த செல்வாக்கும் கிடையாது.

நீட் விவகாரத்திலும் சரி, காவிரி பிரச்சனையிலும் சரி, தமிழகம் மிக மோசமாக வஞ்சிக்கப்பட்டிருப்பதற்கு, தமிழர்களின் பிரதிநிதிகளாக நாம் டில்லிக்கு அனுப்பியிருக்கும் , அதிமுகவை சேர்ந்த, 50 நாடாளுமன்ற உறுப்பினர்களையும், தமிழகத்தில் ஆட்சி செய்கிற அதிமுக அரசையும்தான் முதலில் குற்றவாளிக்கூண்டில் ஏற்றவேண்டும்.

நாடாளுமன்ற மக்களவையில், மூன்றாவது பெரிய கட்சியாக இருந்தும், தமிழர்களின் உரிமைகளை காவுகொடுத்துக்கொண்டிருக்கும் அதிமுகதான் முதல் குற்றவாளி. அதிமுகவை தன் கட்டுப்பாட்டில் வைத்திருக்கும் துணிச்சலில்தான் பாஜகவால் இப்படி செயல்பட முடிகிறது. அதிமுகவை ஒழிக்காமல் தமிழர்களுக்கு விடிவில்லை. தமிழ்நாட்டு மக்கள் பிரதிநிதிகள் தமிழர்களை காட்டிக்கொடுத்து பிழைப்பு நடத்திக்கொண்டிருக்கும்போது, இந்தியா துரோகம் செய்துவிட்டது என்று புழம்புவது பெரிதாக எந்த பொருளுமற்றது.

இப்போது நம்முடைய முதன்மையான கோரிக்கை முழக்கமெல்லாம், தமிழக உரிமைகளை பாதுகாக்க முடியாத அதிமுக அரசே பதவிவிலகு என்பதாகதான் இருக்கவேண்டும். நாம் தேர்ந்தெடுத்திருக்கும் அரசையும் மக்கள் பிரதிநிதிகளையும் கேள்விகேட்காமல் வேறு யாரையோ கேள்விக்கேட்டுக்கொண்டிருப்பது மடமையிலும் மடமை!

தமிழர்களுக்கு துரோகம் செய்யும் மோடியின் தலைமையிலான இந்திய அரசை நம்ப்பிக்கையில்லா தீர்மானத்தில் இருந்து காப்பாற்றிய அதிமுகதான் தமிழர்களின் முதல் துரோகி.

#ADMKBetraysTamilnadu

#IndiaBetraysTamilnadu

பிரபாகரன் அழகர்சாமி, சமூக-அரசியல் விமர்சகர்.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google+ photo

You are commenting using your Google+ account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

w

Connecting to %s

This site uses Akismet to reduce spam. Learn how your comment data is processed.