தலித் ஆவணம்

“பாரத் பந்த்” – கவனிக்க வேண்டியது!

இச்சட்டத்தை செயலிழக்கச் செய்யும் நடவடிக்கையில் ஈடுபட்டுள்ள நீதியரசர்களின் RSS தொடர்புகளை அம்பலப்படுத்த வேண்டும்.

அன்புசெல்வம்

அன்புசெல்வம்

வடக்கே நடந்து கொண்டிருக்கும் தலித்துகளின் ‘பாரத் பந்த்’ துக்கு ஆதரவாக‌ தமிழக தலித் இயக்கங்கள் குரல் கொடுக்கவில்லை என பலர் விமர்சித்து வருகின்றனர். தலித் வன்கொடுமையைத் தடுத்து நிறுத்த, 11 தலித்துகளை பலியாக்கி அச்சட்டத்தைப் பாதுகாக்க வேண்டிய நிலையில் இருப்பது வேதனை. அங்கு நிகழ்ந்து கொண்டிருக்கும் வன்முறைக்கு எதிராக அவசியம் குரல் கொடுத்தாக வேண்டும். மறுப்பதற்கில்லை. ஆனால் இச்சட்டம் இன்றைக்குப் பேசப்படுவதற்கு தமிழக தலித்துகளின் தலையீடு மிக முக்கியமானது.

2016 ஜனவரி 26 -ல் நடைமுறப்படுத்தப்பட்ட, “திருத்தப்பட்ட‌ எஸ்.சி / எஸ்.டி வன்கொடுமைத் தடுப்புச்சட்டம் – 2015” உருவாக தமிழகத்தில் உள்ள தலித் என்.ஜி.ஓ மற்றும் தலித் இயக்கங்கள், அறிவுத்துறையினர் கடுமையாக உழைத்திருக்கின்றனர். Advocacy & Lobbying முறையில் மக்களவையிலும் (ஆகஸ்ட் 4, 2015), மாநிலங்களவையிலும் (டிசம்பர் 21, 2015) இம்மசோதா நிறைவேறுவதற்கு தமிழக தலித் செயல்பாட்டாளர்கள் விளம்பரம் இல்லாமல் உழைத்திருக்கிறார்கள். அந்த செய்தி வெளியே தெரியாமல் இருந்திருக்கலாம். 1989 -ல் உருவாக்கப்பட்ட இச்சட்டத்தை நடைமுறைப்படுத்துவதில் இருக்கிற பிரச்சனைகளை வெளிக் கொணர்ந்து, அதனை உடனடியாகத் திருத்தம் செய்தது ஒரு சாதனை தான். இந்த‌ உழைப்பை தலித் கிறிஸ்தவர்களுக்கான இட ஒதுக்கீட்டுக்கு கொடுக்கப்படவில்லை என்கிற விமர்சனம் ஒரு புறம் இருக்கிறது.

கவனிக்க வேண்டியது !

● தற்போது இச்சட்டத்தை நீர்த்துப் போகச்செய்யும் சதிக்கு எதிராக அனைத்து மாநிலங்களிலும் இருக்கிற சமத்துவத்திற்கான‌ நீதியரசர்கள், தங்களின் எதிர்க் கருத்துக்களை துணிச்சலாக‌ வெளியிட வேண்டும்.

● மக்களைவை, மாநிலங்களவையில் ஒப்புதல் பெறப்பட்ட‌ ஒரு சட்டத்தின் பாதுகாப்பு நெறிமுறைகளை வெறுமனே ஓரிரு நீதிபதிகள் மாற்றுவதில் இருக்கிற சிக்கல் குறித்து Constitutional Experts கருத்து தெரிவிக்க வேண்டும்.

● இச்சட்டம் குறித்து உச்சநீதி மன்றத்தின் நடவடிக்கைக்கு எதிராக இதற்கு மட்டும் தடை வாங்க முடியுமா? என்பதையும் ஆலோசிக்க வேண்டும்.

● இச்சட்டத்தை செயலிழக்கச் செய்யும் நடவடிக்கையில் ஈடுபட்டுள்ள நீதியரசர்களின் RSS தொடர்புகளை அம்பலப்படுத்தி, Morally Expose செய்ய வேண்டும்.

● கோரேகாவுன் திரட்சி மற்றும் தற்போது நடைபெற்று வரும் தலித் மக்களின் பாரத் பந்த் ஆகிய‌ போராட்டங்களை கணக்கில் கொண்டு இந்திய அளவில் Non Electoral Federation உருவாக்க முடியுமா என்பதை அனைத்து மாநில‌ தலித் இயக்கங்களும், கட்சிகளும் சிந்திக்கலாம். அது ஒரு நெருக்கடியை ஏற்படுத்தும்.

● இதற்கு தோழமை சக்திகளான இதர கட்சிகளின் இணைந்த செயல்பாடு, ஆதரவு என்னவாக இருக்கிறது என்பது தான் இது போன்ற தருணங்களில் எழுகின்ற கேள்விகள். அதற்கு அந்தந்த தலைவர்கள் பதிலளிக்க வேண்டும்.

கட்டுரையாளர் : அன்புசெல்வம், “சாதி இன்று” அறிக்கையின் நூலாசிரியர்களில் ஒருவர்.

தொடர்புக்கு : anbuselvam6@gmail.com

மாற்று ஊடகத்துக்கு நன்கொடை தாருங்கள்!

சமூகத்தின் பட்டகம், (தி டைம்ஸ் தமிழ் டாட் காம்) தமிழின் மாற்று ஊடகமாக இயங்கி வருகிறது.  வெகுஜன ஊடகங்கள் பேசத் தயங்கும் விடயங்களைப் பேசுவதே எங்கள் நோக்கம். குறிப்பாக மொழி, இன, சாதி, மத, பாலின சிறுபான்மையினர் மீதான தாக்குதல்களை, ஒடுக்குமுறைகளை ஆவணப்படுத்தி வருகிறோம். இதைப்போலவே பேச மறுக்கப்படும் அரசியலையும் பேச முனைகிறோம். நீங்கள் தரும்நன்கொடை எங்களை அடுத்த கட்டம் நோக்கி நகர்த்தும்!

குறைந்தபட்சம் ரூ. 100 நன்கொடை அளிக்கலாம்.இந்த லிங்கை க்ளிக் செய்து பணம் செலுத்தலாம்..

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google+ photo

You are commenting using your Google+ account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

w

Connecting to %s