தலித் ஆவணம்

”காவல்துறையின் பொறுப்பற்ற தன்மையால் சிவகங்கையில் பட்டியலினத்தோர் படுகொலை”

காவல்துறையின் பொறுப்பற்ற தன்மையால் சிவகங்கையில் பட்டியலினத்தவர் 2 பேர் படுகொலை செய்யப்பட்டிருப்பதாக மார்க்சிஸ்ட் கம்யூனிஸ்ட் கட்சி தெரிவித்துள்ளது. இதுகுறித்து அக்கட்சியின் மாநில செயலாளர் கே. பாலகிருஷ்ணன் விடுத்துள்ள அறிக்கையில்,

“சிவகங்கை மாவட்டம் கச்சநத்தம் கிராமத்தைச் சார்ந்த ஆதிக்கக் சமூகத்தைச் சேர்ந்த சுமன் என்பவரின் குடும்பத்தினர் கஞ்சா வியாபாரம் செய்து வந்ததை தடுக்கக் கோரி அதே கிராமத்தைச் சேர்ந்த தேவேந்திர குல வேளாளர் சாதியினர். காவல்துறையினரிடம் புகார் கொடுத்துள்ளனர்.

காவல்துறையினர் நடவடிக்கை எடுக்காமல் கடந்த 4 ஆண்டுகாலமாக அலட்சியம் செய்து வந்த காரணத்தால் இரண்டு சமூகத்தினருக்கும் இடையில் பிரச்சனைகள் ஏற்பட்டுள்ளன.

இந்நிலையில் திங்களன்று கச்சநத்தம் கிராமத்தில் நடைபெற்ற திருவிழா முடிந்த நிலையில், ஆதிக்க சமூகத்தை சார்ந்தவர்கள் வெளியிலிருந்து ஆட்களை அழைத்து வந்து பட்டியலின மக்கள் மீது கொலைவெறி தாக்குதல் நடத்தியதில் சண்முகநாதன் (எம்.பி.ஏ. பட்டதாரி) மற்றும் ஆறுமுகம் ஆகிய இருவரும் சம்பவ இடத்திலேயே உயிரிழந்துள்ளனர். மேலும் ஆறு பேர் படுகாயமடைந்து மதுரை அரசு மருத்துவமனையில் அனுமதிக்கப்பட்டுள்ளனர். சாதி ஆதிக்க சக்தியினர் நிகழ்த்திய இந்த படுகொலையை மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு வன்மையாகக் கண்டிக்கிறது.

இந்த வன்முறை சம்பவத்தில் உயிரிழந்தவர்களின் குடும்பங்களுக்கு ஆழ்ந்த அனுதாபத்தை மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு தெரிவித்துக் கொள்கிறது.

தமிழ்நாடு காவல்துறை உரிய நேரத்தில் இப்பிரச்சனையில் தலையிட்டு நடவடிக்கை எடுக்காத காரணத்தால் இந்த பெரும் துயரம் ஏற்பட்டுள்ளது. தமிழக அரசும், காவல்துறையும் சிவகங்கை மாவட்டத்தில் அடுத்தடுத்து பட்டியலின மக்கள் மீது நடத்தப்படுத் சாதிய ரீதியான வன்கொடுமை தாக்குதல் நடவடிக்கைகளை தடுத்து நிறுத்திட நடவடிக்கை எடுக்காமல், ஆதிக்க சாதியினருக்கு துணை போவது வெட்கக்கேடான செயலாகும் என மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு சுட்டிக்காட்டுகிறது.

காவல்துறையினரின் பொறுப்பற்ற செயலின் காரணமாகவே இந்த படுகொலை நிகழ்ந்திருக்கிறது. இந்தப் படுகொலைக்கு காவல்துறையும், தமிழக அரசுமே பொறுப்பேற்க வேண்டும். எனவே, இந்தக் கொலைக்கு காரணமான ஆதிக்க சமூகத்தை சார்ந்த கொலை கும்பலை உடனடியாக கைது செய்து, அவர்கள் மீது சட்ட ரீதியான நடவடிக்கையை விரைந்து மேற்கொள்ள வேண்டுமென மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு தமிழக அரசை வற்புறுத்துகிறது. உயிரிழந்தவர்களின் குடும்பங்களுக்கு ரூபாய் ஐம்பது லட்சமும், படுகாயமுற்று மருத்துவ சிகிச்சை பெற்று வருபவர்களின் குடும்பங்களுக்கு ரூபாய் ஐந்து லட்சமும் வழங்கிட வேண்டும். அதேபோல் உயிரிழந்தவர்களின் குடும்பங்களுக்கு அரசு வேலையும், படுகாயமுற்று மருத்துவமனையில் சிகிச்சை பெறுபவர்களுக்கு உயரிய சிகிச்சையும் வழங்க வேண்டுமென மார்க்சிஸ்ட் கம்யூனிஸ்ட் கட்சியின் மாநில செயற்குழு தமிழக அரசை வலியுறுத்துகிறது” என தெரிவித்துள்ளார்.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google+ photo

You are commenting using your Google+ account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.