தலித் ஆவணம்

ஓசூரில் சாதீய காட்டுமிராண்டிதனம்: முகங்களை எரித்து சாதிய ஆணவப் படுகொலை!

சந்திரமோகன்

ஓசூர் அருகே உள்ள சூடுகொண்டபள்ளி கிராமத்தைச் சார்ந்த வன்னியர் சாதியைச் சேர்ந்த சுவாதியும், பறையர் சாதி இளைஞர் நந்தீஸ் என்பவரும் காதலித்து உள்ளனர். கடந்த மூன்று மாதங்களுக்கு முன்பு ஊரைவிட்டு வெளியேறி திருமணம் செய்து கொண்டு திருப்பூர் சென்று தங்கி வாழ்க்கை நடத்தி வந்துள்ளனர். பிறகு ஒசூருக்கு திரும்பி வந்து நந்தீஸ் ஒரு மரக்கடையில் வேலை செய்து வந்துள்ளார்.

இந்த வாரம் இருவரும் காணாமல் போனார்கள். 13.11.2018 அன்று, நந்தீஸும் சுவாதியும் கர்நாடகா மாண்டியா பகுதியில் காவேரி ஆற்றின் கரையில் பிணமாக கரை ஒதுங்கியுள்ளனர். காவல் துறை உடலைக் கைப்பற்றி விசாரணை செய்து அவர்கள் இருவரும் நந்தீஸ்-சுவாதி தான் என்பதை உறுதி செய்துள்ளது.

படுகொலை செய்யப்பட்ட நந்தீஸ் சுவாதி…

இருவரும் அடித்துக் கொல்லப்பட்டிருப்பதும், காட்டுமிராண்டி தனத்தின் உச்சமாக முகங்கள் எரித்து கருக்கப் பட்டிருப்பதும் படுகோரமாக உள்ளது. (பிணங்களின் புகைபடங்கள் பகிர்ந்து கொள்ள முடியாத அளவு கோரமாக உள்ளது. ) சுவாதி மூன்றுமாதக் கர்ப்பிணி என்பதாகவும் தகவல் உள்ளது.

ஒரு ரவுடி கும்பல் மூலம் சுவாதியின் பெற்றோர்கள் இக்கொலையை நடத்தியிருக்கிறார்கள்; பெற்றோர் தரப்பில் சிலர் சரணடைந்ததாகவும், சுவாதியின் தந்தை ஒசூர் காவல்நிலையத்தில், “தாங்கள் தான் அவர்களை ஆணவக் கொலை செய்ததாக” ஒப்புதல் வாக்குமூலம் கொடுத்திருப்பதாக தகவல்கள் தெரிவிக்கின்றன.

வன்கொடுமை சட்டங்களையும் மீறி காட்டுமிராண்டி ஆணவக்கொலைகள் தொடரும் என்றால் தமிழகத்தில் சாதி ஒழிப்பு பண்பாட்டு புரட்சி அவசர அவசியமாகிறது! பிற்பட்ட சாதியினர் மத்தியில் சாதி ஒழிப்பு பரப்புரை தீவிரமடைய வேண்டியது. மிகமிக முக்கியத்துவம் பெறுகிறது! நூறு பெரியார்கள் தேவைப்படுகிறார்கள் !

சந்திரமோகன், சமூக-அரசியல் செயல்பாட்டாளர்.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google+ photo

You are commenting using your Google+ account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.